გორში სასმელ წყალს კანდელაკის ტბა ამღვრევს
გორის ერთ-ერთ უბანში, კომბინატის დასახლებაში სასმელი წყალი დრო და დრო ბინძურდება. „წყალკანალის უფროსის კაკო ხუფენიას განცხადებით, სასმელი წყალის ამღვრევა გიორგი კანდელაკის ტბის და მდინარე ლიახვის ბრალია.
„მიზეზი ისაა, რომ სათავე ნაგებობის სიახლოვეს გიორგი კანდელაკის მიერ გაკეთებული ტბა მდებარეობს. ტბის წყალი პერმანენტულად გრუნტის საშუალებით ერევა სასმელ წყალს. აქედან გამომდინარე, სასმელი წყალი გამუდმებით მოითხოვს დაქლორვას. სასმელ წყალს ადიდებული ლიახვიც ამღვრევს. საჭიროა ახალი არხის გაჭრა. არხი სათავე ნაგებობიდან მდინარე ლიახვამდე გაიჭრება, რა დროსაც „ზედმეტი“, გრუნტის წყალი პირდაპირ ლიახვში ჩავა არხით.“ - აცხადებს წყალკანალის უფროსი.
საბა წიწიკაშვილი გორიდან