ქართველი ჟურნალისტები სოხუმის იზოლატორში გადაიყვანეს
თბილისი.05.03.06.მედიანიუსი. ქართულ-აფხაზურ კონფლიქტის ზონაში ქართველი ჟურნალისტები დააკავეს. თეა შარია და გიორგი სოხაძე სოხუმის იზოლატორში გადაიყვანეს. ორი დღეა, რაც მშობლები და ახლობლები ჟურნალისტებს ეძებენ.
ჟურნალისტები არასამთავრობო ორგანიზაციებში მუშაობენ. ისინი აფხაზმა სეპარატისტებმა ოჩამჩირის რაიონში, ბედიის მონასტრის გადაღების დროს დააკავეს. ჟურნალისტები, საქართველოს საპატრიარქოსთან შეთანხმებით, დოკუმენტურ ფილმზე მუშაობდნენ. ორივე მათგანი ნაცემია.