10:54, Thursday, 04.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ჯეოსელის“ დღეები სამეგრელოში მარტვილის მოსახლეობის აქციების ფონზე მიმდინარეობს

07.04.2006

„ჯეოსელის“ დღეები სამეგრელოში მარტვილის მოსახლეობის აქციების ფონზე მიმდინარეობს

ერთი კვირაა მარტვილის რაიონის სოფელ ხუნწის მოსახლეობა „ჯეოსელის“ ანძის სოფელში დადგმის წინააღმდეგ გამოდის და ამ მოთხოვნით პერმანენტულ აქციებს მართავს. აქციის მონაწილეებმა რამდენჯერმე გადაკეტეს მარტვილი-თბილისის ცენტრალური გზა, დახმარება ადგილობრივ ხელისუფლებასაც სთხოვეს და მათი მხრიდან გამოჩენილი გულგრილობის შემდეგ ცხენისწყლის ხიდის პიკეტირებაც მოაწყვეს. აქციის მონაწილეების დაშლა მარტვილის პოლიციამ ძალისმიერი ხერხებითაც სცადა. როგორც აქციის მონაწილეები აცხადებენ, გუშინ პოლიციელებმა მათ ფიზიკური შეურაცყოფაც მიაყენეს.

„ვინაობას შეგნებულად არ გიმხელთ, რადგან ვიცი, რომ ამის მერე ცემასაც არ მაკმარებენ. მე კი ოჯახი მყავს. პოლიცია ქალებს დაგვერია, გვიჯიკავა, გვემუქრა, გზის გადაკეტვა არ გაბედოთო. თქვენი შვილების ჯანმრთელობას რომ საშიშროება ემუქრებოდეს, რას იზამდით?“- აცხადებს აქციის ერთ-ერთი მონაწილე.

მათივე განცხადებით, „ჯეოსელის“ წარმომადგენლები, აქციების შეწყვეტის სანაცვლოდ, მათ ადგილობრივი სკოლის შენიბისა და კლას-კაბინეტების გარემონტებას შეჰპირდნენ: „გვითხრეს ოთხი ათასი ლარის სამუშაოებს ჩავატარებთო. ჩემს ბავშვს თუ ჯანმრთელობა შეერყა, გარემონტებული სკოლა რაში გვჭირდება?’’

მოსახლეობის შეშფოთებას განსაკუთრებით ის იწვევს, რომ ანძის დამონტაჟება სოფლის მოსახლეობის ყველაზე კომპაქტური დასახლების ადგილას, სკოლისა და საჯარო დანიშნულების ობიექტების სიახლოვეს იგეგმება; და ეს მაშინ, როცა „ჯეოსელის“ წარმომადგენლებმა მათთვის სანეპიდსადგურის გადაწყვეტილების გარდა, ვერანაირი დოკუმენტაციის წარდგენა ვერ შეძლეს. მათი განცხადებითვე, არ არსებობს  დოკუმენტაცია, რომელიც მოსახლეობას ანძის უსაფრთხოების გარანტიებს მისცემს.

სოფელ ხუნწის მოსახლეობა აცხადებს, რომ მათ აქვთ ინფორმაცია, რომ ამ ანძის მიერ გამოსხივებული ელექტრო მაგნიტური ტალღები არ იფილტრება და სიცოცხლისათვის განსაკუთრებულ საშიშროებას წარმოადგენს.
   
მოსახლეობის ეჭვებს ანძის მავნებლობის შესახებ ისიც აძლიერებს, რომ მარტვილის პროკურორმა „ჯეოსელის“ თანამშრომლებს ანძის დამონტაჟებისათვის, შესაბამისი ნებართვის გაცემაზე უარი დოკუმენტაციის არასაკმარისობისა და სპეციალური დასკვნის არარსებობის მოტივით უთხრა.

აქციის მონაწილეები ადგილობრივ ხელისუფლებასა და ცენტრალური ტელევიზიების რეგიონულ კორესპონდენტებს ინფორმაციის დაბლოკვაში ადანაშაულებენ: „კორესპონდენტებს თავად ვუკავშირდებით და ისინი სხვადასხვა მოზეზებით არ მოდიან. მეტი რაღა უნდა მოხდეს - დაგვარბიეს, გვაშინებენ, მთელი სოფელი ფეხზე დგას, ჩვენი პრობლემები რატომ არ ხდება საზოგადოებისათვის ცნობილი?“
  
დღეს აქციის მონაწილეები რაიონის პარლამენტართან ფრიდონ რუხაიასთან შეხვედრას გეგმავენ, თუმცა აცხადებენ, რომ მათი პრობლემის გადაწყვეტის იმედი ნაკლებად აქვთ.

მაია ღუბელაძე ზუგდიდიდან

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC