11:42, Thursday, 04.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კახეთში პრობაციის სამსახურის ოფიცერი დააკავეს

14.04.2006

კახეთში პრობაციის სამსახურის ოფიცერი დააკავეს

გუშინ, 11 საათზე, ქ. გურჯაანში, საკუთარ სამუშაო ოთახში, კონსტიტუციური უსაფრთხოების დეპარტამენტის წარმომადგენლებმა პრობაციის ადგილობრივი სამსახურის ოფიცერი, 27 წლის გიორგი ლეგაშვილი „ქრთამის აღების ფაქტზე“ დააკავეს.

პატიმრობიდან გათავისუფლებულმა ალექსანდრე გეთიაშვილმა პრობაციის გურჯაანის ბიუროს 10:50-სთ-ზე მიმართა განცხადებით, სადაც აღწერილია, რომ იგი ერთი თვის განმავლობაში ვერ შეძლებდა პრობაციის ბიუროში გამოცხადებას. განმცხადებელი ბიუროს ოფიცერს გიორგი ლეგაშვილს სთხოვდა მისთვის აღნიშნულზე თანხმობა მიეცა და გაცდენილი ვადა საპატიოდ ჩაეთვალა. გეთიაშვილსა და ლეგაშვილს შორის გამართულ საუბარს ესწრებოდა მოქალაქე ზურა აბელოვი. მისი თქმით, ალექსანდრე გეთიაშვილმა განცხადება მაგიდაზე დატოვა და მის ქვეშ ქაღალდის ფულიც შეაცურა. მოწმე აბელოვი აცხადებს, რომ გეთიაშვილმა აღნიშნულის შემდეგ პრობაციის ოფიცერის სამუშაო ოთახი სასწრაფოდ დატოვა. „როგორც ეს მოხდა, გეთიაშვილი მაშინვე გარეთ გავარდა. გიორგი გამოეკიდა, ეძახოდა, რას შვრები ბიჭო, ხომ არ გაგიჟდიო, მაგრამ გიორგი ოთახიდან გასულიც არ იყო, ოთახში ოთხნი შემოვიდნენ და უთხრეს, რომ კონსტიტუციური უსაფრთხოების დეპარტამენტიდან ვართო. ფაქტობრივად, გიორგისთან ერთად რამდენიმე საათის მანძილზე მეც ოთახში ვიყავი გამოკეტილი“,- აცხადებს აბელოვი ჩვენთან საუბარში. 
 
კონსტიტუციური უსაფრთხოების დეპარტამენტის წარმომადგენლებმა დაკავებული გიორგი ლეგაშვილი თბილისში 15 საათისთვის გადაიყვანეს.

როგორც ადამიანის უფლებათა საინფორმაციო და სადოკუმენტაციო ცენტრის კახეთის ოფისის იურისტმა ლია ხუროშვილმა განაცხადა, ლეგაშვილის დაკავება შს-ს კიდევ ერთი „ღონისძიებაა”, სამართალდამცავთა ქმედუნარიანობაში დასარწმუნებლად. „ადამიანის უფლებათა ცენტრმა“  მოიპოვა ოფიციალური დოკუმენტი, რომელიც ადასტურებს, რომ ალექსანდრე გეთიაშვილი, რომელმაც დაკავებულს „ქრთამი მისცა“, მსგავს „საქმიანობაში“ ხშირად არის ჩართული და სამართალდამცავთა დაკვეთებს ასრულებს.

გიორგი ლეგაშვილის ახლობლები დახმარებას ჟურნალისტებს, არასამთავრობო ორგანიზაციებსა და ოპოზიციურ პარტიებს სთხოვენ.

პრობაციის სამსახურის ოფიცერის დაკავებასთან დაკავშირებით, შს სამინისტროში ჯერ-ჯერობით კომენტარს არ აკეთებენ.

გელა მთივლიშვილი კახეთიდან

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC