ციხის საავადმყოფოში პატიმარი გარდაიცვალა
თბილისი.17.05.06. მედიანიუსი. იუსტიციის სამინისტროს სასჯელაღსრულების დეპარტამენტის მსჯავრდებულთა და პატიმართა სამკურნალო დაწესებულებაში პატიმარი, 34 წლის ანზორ გ. ტუბერკულოზური ინტოქსიკაციის ფონზე განვითარებული ფილტვისა და გულის უკმარისობით გარდაიცვალა.
ექიმების დიაგნოზით, ანზორ გ. დაავადებული იყო მარცხენა ფილტვის ინფილტრაციული ტუბერკულოზით, აივ-ინფექცია/შიდსითა და ქრონიკული ვირუსული ჰეპატიტით.
ანზორ გ. 2005 წლის 11 აგვისტოს ძარცვის ბრალდებით დააკავეს. ჯანმრთელობის მდგომარეობის გაუარესების გამო იგი ბათუმის საპყრობილედან მსჯავრდებულთა და პატიმართა სამკურნალო დაწესებულებაში 2006 წლის 17 მარტს გადაიყვანეს.