ქსანში მომხდარ უბედურ შემთხვევას ორი მსჯავრდებულის სიცოცხლე ემსხვერპლა

ქსანში მომხდარ უბედურ შემთხვევას ორი მსჯავრდებულის სიცოცხლე ემსხვერპლა

თბილისი.21.05.06.მედიანიუსი. იუსტიციის სამინისტროს სასჯელაღსრულების დეპარტამენტის ქსნის #7 დაწესებულებაში უბედური შემთხვევა მოხდა. 20 მაისს საცხოვრებელი კორპუსის სახურავი, სადაც წყლის 7 ტონიანი ავზი იყო დამაგრებული, ჩაინგრა, რამაც ორი მსჯავრდებულის - პაატა აბაზაშვილისა და გიორგი გიორგიშვილის სიცოცხლე იმსხვერპლა.

შემთხვევის შედეგად დაშავდა მსჯავრდებული მამუკა საღინაშვილიც, რომლის სიცოცხლეს საფრთხე არ ემუქრება.

23 წლის პაატა აბაზაშვილს 7 წელი, ხოლო 34 წლის გიორგი გიორგიშვილს 4 წელი ჰქონდა მისჯილი.

ამ ფაქტთან დაკავშირებით იუსტიციის სამინისტროს საგამოძიებო დეპარტამენტმა სისხლის სამართლის საქმე აღძრა.