პრეზიდენტმა 11 პატიმარი შეიწყალა
თბილისი.19.05.06.მედიანიუსი. საქართველოს პრეზიდენტმა მიხეილ სააკაშვილმა ხელი მოაწერა განკარგულებას, რომლითაც 11 მსჯავრდებული შეიწყალა.
განკარგულების საფუძველზე, გეგუთის სასჯელაღსრულების დაწესებულებაში მყოფი გია ალავიძე, გიორგი თოდუა და სამველ მურადოვი, რუსთავის #1 დაწესებულებაში მყოფი რამინ ისმაილოვი და ოლეგ ოლომსკი, თბილისის #1 საპყრობილეში მყოფი თეიმურაზ კუკუჯანაშვილი, #2 დაწესებულებაში მყოფი გიორგი ბაბუციძე, #10 დაწესებულებაში მყოფი დავით ბართიშვილი სასჯელისგან გათავისუფლდნენ.
რუსთავის #1 დაწესებულებაში მყოფ ალექსანდრე ყანჩაშვილს და თბილისის #1 დაწესებულებაში მყოფ მახმუდ მახმუდოვს სასჯელის მოსახდელი ნაწილი გაუნახევრდათ, ხოლო #2 დაწესებულებაში მყოფ აბრამ შარმანაშვილს ერთი წლით შეუმცირდა.