დევნილებმა ბათუმში საპროტესტო აქცია გამართეს
ბათუმი..29.05.06.მედიანიუსი. დღეს ბათუმში აჭარის მინისტრთა საბჭოს შენობის წინ აფხაზეთიდან დევნილმა მოსახლეობამ საპროტესტო აქცია გამართა. დაბა მახინჯაურში მდებარე სასტუმრო „კოლხეთში“ მცხოვრები დევნილები ყაზახი ინვესტორის მიერ საცხოვრებელი ფართის სანაცვლოდ შეთავაზებულ თანხაზე და სასტუმროს დაცლაზე უარს აცხადებენ.
დევნილები ინვესტორს კომპენსაციის გადახდას ოჯახის სულადობის შესაბამისად სთხოვენ და თითოეული ოჯახისთვის შეთავაზებული 7 000 დოლარის აღებაზე უარს ამბობენ.
დევნილთა ინფორმაციით, არასწორად არის შედგენილი მათი სიებიც, სადაც რამდენიმე ოჯახი ერთად არის რეგისტრირებული. ულტიმატუმის ვადა, რომელიც ყაზახმა ინვესტორმა დევნილებს მისცა, ხვალ იწურება. ულტიმატუმის მიხედვით, ხვალიდან დევნილებს ყოველგვარი კომპენსაციის გადახდის გარეშე გაასახლებენ.
დევნილი მოსახლეობა ინვესტორის შეთავაზებას უკანონოდ მიიჩნევს და მოთხოვნების დაუკმაყოფილებლობის შემთხვევაში, შენობის დაცლაზე უარს ამბობს.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
