გორელი ოპოზიციონერები და არასამთავრობოები საგანგებო შტაბს ქმნიან

გორელი ოპოზიციონერები და არასამთავრობოები საგანგებო შტაბს ქმნიან

გორში არასამთავრობო ორგანიზაციებმა და ოპოზიციურმა პარტიებმა, სასტუმრო „ვიქტორიაში“ ხელი მოაწერეს მემორანდუმს გაერთიანების შესახებ. ამით ისინი, თბილისში შექმნილი საგანგებო შტაბის რეჟიმზე გადავიდნენ.

გორის „გაერთიანებულ საგანგებო შტაბში“ „ახალი მემარჯვნეები“, რესპუბლიკები“, „ლეიბორისტები“, „კონსერვატორები“ და „ახალგაზრდა იუსრისტთა ასოციაციის“ გორის ოფისი გაერთიანდა.

„ახლების“ გორის ორგანიზაციის ხელმძღვანელმა მამუკა ფანიაშვილმა ხაზი გაუსვა  აქციის დროს მემარჯვნეების ერთ-ერთი ლიდერის ფიქრია ჩხირაძის მიმართ განხორციელბულ ფიზიკურ შეურაცყოფას. გაერთიანებული საგანგებო შტაბის წევრები საქართველოში უკანასკნელ პერდიოში განვითარებულ მოვლენებს: სანდრო გირგვლიანის მკვლელობას, დმანისის მამათა მოსანსტერში სამართალდამცავთა შეჭრას, უნივერსიტეტში მიმდინარე მოვლენებს აპროტესტებენ.

„რესპუბლიკური“ პარტიის წევრის შალვა ტლაშაძის თქმით, გარდა იმისა, რომ ასეთ დარღვევებს აქვს ადგილი თბილისში, ხშირია შემთხვევები, როდესაც რეგიონებში სამართალდამცავი ორგანოების წარმომადგენლები ადამიანთა უფლებებს არღვევენ.

ისინი მედიასთან მჭიდრო ურთიერთთანამშრომლობას აპირებენ და მოსახლეობას მიმართავენ, რომ ნებისმიერი დარღვევის შემთხვევაში საგანგებო შტაბს მიმართონ. შალვა ტლაშაძის თქმით, ისინი მოსახლეობას კონსულტაციებს გაუწევენ, მაგრამ თუ სიმართლის მისაღწევად ეს საკმარისი არ აღმოჩნდება, არც საპროტესტო აქციებს მოერიდებიან.

ოპოზიციური პარტიების განცხადებით, ისინი არავითარ შემთხვევაში არ ითანამშრომლებენ იგორ გიორგაძის პოლიტიკურ პარტიასთან.