სოფელ კლდუში 15 წელია ელექტროენერგია არა აქვთ
თითქმის 15 წელია, ქარელის რაიონის სოფელი კლდუ, რომელიც კეხიჯვრის საკრებულოში შედის, ელექტროენერგიის და წყლის გარეშე იმყოფება. სოფლის მოსახლეობის ნაწილი სოფელ კეხიჯვრის საკრებულის თავმჯდომარეს შეხვდა და ელექტროენერგიის, წყლის და გზის პრობლემის მოგვარება მოსთხოვა. სოფლის გამგებელმა კი მათ დახმარება აღუთქვა.
როგორც სოფლის გამგებელი აცხადებს, რამდენიმე ხნის წინ ამ სოფლის პრობლემით საქართველოს მთავრობა დაინტერესდა. დაჰპირდნენ, რომ თანხებს გადმორიცხავდნენ, მაგრამ დაპირება არ შესრულებულა.
ისედაც მცირერიცხოვანი სოფელი ახალგაზრდობის უმეტესობამ დატოვა. სოფელში ძირითადად მოხუცები და ასაკოვანი ხალხი ცხოვრობს. კლდუ გარესამსამყაროსგან იზოლირებული ყველაზე მეტად ზამთარშია.
გორელი „მემარჯვენეები“ ენერგოკომპანიას უპირისპირდებიან. „ახალი მემარჯვენეების“ გორის ორგანიზაციის ლიდერი მამუკა ფანიაშვილი გორის ენერგოკომპანიას მოსახლეობის ძარცვაში ადანაშაულებს. მისი თქმით, მოსახლეობას ენერგოკომპანიაში გახარჯული ელ. ენერგიის საფასურის გადახდას გაბერილი ციფრებით ახდევინებენ.
მამუკა ფანიაშვილი ამბობს, რომ ენერგოკომპანიის მიერ გაცემულ ქვითრებში თითო მოსახლეზე გადასახდელი თანხა 4-5 ლარით ზედმეტად იწერება, ვიდრე ეს სინამდვილეშია. „მემარჯვენეები“ ამ ფაქტს იმით ხსნიან, რომ გარეგანათების ხარჯებს რაიონის გამგეობა არ ფარავს. ამ თანხის ამოღება კი მოსახლეობის კისერზე გადააქვთ.
ენერგოკომპანიის პრესსამსახურის ხელმძღვანელი გიორგი ბალახაშვილი ამბობს, რომ მოსახლეობა შეშოთებას უსაფუძვლოდ გამოთქვამს, რადგან გახარჯული ელეენერგიის საფასურის გადასახდელი თანხა იმიტომ გაიზარდა, რომ დენის ტარიფები გაიზარდა.
საბა წიწიკაშვილი გორიდან
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
