ქუთაისის ინფექციურ საავადმყოფოში პატიმარი გარდაიცვალა
თბილისი.31.07.06.მედიანიუსი. ინტოქსიკაციის ფონზე განვითარებული გულ-სისხლძარღვთა მწვავე უკმარისობით დღეს ქუთაისის ინფექციურ საავადმყოფოში მსჯავრდებული, 54 წლის ევლოგი კეთილაძე გარდაიცვალა.
პატიმარი საავადმყოფოში იუსტიციის სამინისტროს სასჯელაღსრულების დეპარტამენტის გეგუთის #8 საერთო და მკაცრი რეჟიმის სასჯელაღსრულების დაწესებულებიდან გაურკვეველი ეტიოლოგიის ინტოქსიკაციის დიაგნოზით დღეს სასწრაფო წესით გადაიყვანეს, თუმცა მისი გადარჩენა შეუძლებელი აღმოჩნდა.
კეთილაძე ტრანსპორტის მოძრაობის უსაფრთხოების წესების დარღვევისათვის იყო გასამართლებული და 1 წლით პატიმრობა ჰქონდა მისჯილი.