პატიმარი ფილტვების შეშუპებით გარდაიცვალა
თბილისი.08.08.06.მედიანიუსი. იუსტიციის სამინისტროს სასჯელაღსრულების დეპარტამენტის პატიმართა და მსჯავრდებულთა სამკურნალო დაწესებულებაში პატიმარი, 31 წლის ვეფხია შუკაკიძე ფილტვების შეშუპებით გარდაიცვალა.
ვეფხია შუკაკიძე პატიმართა და მსჯავრდებულთა სამკურნალო დაწესებულებაში ფილტვების შეშუპების დიაგნოზით, კომატოზურ მდგომარეობაში, 7 ივლისს, სასწრაფო წესით გადაიყვანეს. მისი გარდაცვალების მიზეზი უცნობი ეტიოლოგიის გულ-სისხლძარღვთა მწვავე უკმარისობა და ფილტვების მწვავე შეშუპება გახდა.
შუკაკიძე 2006 წლის 26 ივნისს ფინანსურმა პოლიციამ მარკირებას დაქვემდებარებული აქციზური საქონლის აქციზური მარკის გარეშე გადაზიდვის ბრალდებით დააკავა.