დევნილთა და იძულებით გადაადგილებულ პირთა რეგისტრაცია დაიწყო

დევნილთა და იძულებით გადაადგილებულ პირთა რეგისტრაცია დაიწყო

თბილისი.16.08.06.მედიანიუსი. დღეს საქართველოს ლტოლვილთა და განსახლების სამინისტრომ აფხაზეთიდან და ცხინვალის რეგიონიდან დევნილთა და იძულებით გადაადგილებულ პირთა რეგისტრაცია დაიწყო.
თავდაპირველად, რეგისტრაცია ქალაქ რუსთავში ჩატარდება. რეგისტრაციის მიზანი საქართველოს ტერიტორიაზე მყოფი დევნილთა რიცხვის ზუსტი დადგენაა.

რეგისტრირებულ პირს დევნილის სტატუსის დამადასტურებელი ახალი მოწმობა გადაეცემა, რომელიც საქართველოს მოქალაქის პირადობის დამადასტურებელი საბუთის პარალელურად იმოქმედებს.

ბოლოს რეგისტრაცია გაეროს დევნილთა საქმეების უმაღლესმა კომისარიატმა 2005 წელს განახორციელა. 2005 წლის მონაცემებით, საქართველოში 200 ათასზე მეტი დევნილი ცხოვრობდა.