თბილისი.04.09.06.მედიანიუსი. საქართველოს იუსტიციის სამინისტროს სასჯელაღსრულების დეპარტამენტის ორთაჭალის პირველ იზოლატორში პატიმარმა, 31 წლის ზაალ იაკობიძემ საკუთარი მაისურით თავი ჩამოიხრჩო.
როგორც “მედიანიუსს” სასჯელაღსრულების დეპარტამენტის პრესსამსახურის უფროსმა სალომე მახარაძემ უთხრა, იაკობიძეს კონფლიქტი მოუვიდა ჯერ სხვა პატიმრებთან, შემდეგ კი ადმინისტრაციასთან. რის შემდეგაც მას ყველაფერი ჩამოართვეს და ცალკე საკანში განათავსეს.
ზაალ იაკობიძეს 2006 წლის 1 იანვარს ყაჩაღობისა და მანქანის გატაცებაში თანამონაწილეობისათვის 2 წელი თავისუფლების აღკვეთა მიესაჯა.