2 ოქტომბერს, ფოთის პორტის ადმინისტრაციული შენობის წინ, რამდენიმე ათეული ადამიანი შეიკრიბა. მათ პროტესტი გამოთქვეს იმის გამო, რომ პორტში ხდება ადამიანის ჯანმრთელობისათვის საშიში ქიმიური ნაერთების, კერძოდ კი ალუმინის ოქსიდის ჩამოტვირთვა. აქციის ორგანიზატორის გ. მასხულიას განცხადებით, ფოთში ბოლო დროს საგრძნობლად იმატა სისხლის, ონკოლოგიურმა და ენდოკრინოლოგიურმა დაავადებებმა( სკოლის მოსწავლეთა შორის ხშირია ჩიყვი). პორტის ადმინისტრაციის საზოგადებასთან ურთიერთობის სამსახურის უფროსმა აქციის მონაწილეებსა და ჟურნალისტებს განუცხადა, რომ პორტის ადმინისტრაციამ უკვე მიმართა თბილისის ეკოლოგიურ- ინფექციურ კვლევით ცენტრს. მისი თქმით, თუკი ცენტრი დაადასტურებს, რომ ალუმინის ოქსიდი მავნებელია და ეკოლოგიურ საფრთხეს უქმნის მოსახლეობას, ისინი აუცილებლად მიიღებენ ადექვატურ ზომებს.
აქცია გამაფრთხილებელი იყო და რამდენიმე წუთში დაიშალა.
ნატო ბერულავა, ფოთი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
