სახალხო დამცველის ჩარევის შედეგად კანონდამრღვევი პოლიციელები დაისჯებიან

 
17/10/2006 GHN

საქართველოს სახალხო დამცველის აპარატის მონიტორინგის ჯგუფმა შს ზუგდიდის რაიონულ სამმართველოსა და სამეგრელო-ზემო სვანეთის შს სამხარეო მთავარ სამმართველოში უფლებადარღვევის ფაქტები გამოავლინა და მასალები შემდგომი რეაგირებისთვის სამეგრელო-ზემო სვანეთის საოლქო პროკურატურას გაუგზავნა.

სამეგრელო - ზემო სვანეთის საოლქო პროკურატურიდან მიღებული პასუხის თანახმად, ზუგდიდის შს სამმართველოს გამომძიებელ გვილავასა და ინსპექტორ-გამომძიებელ მამფორიას მიმართ სამეგრელო-ზემო სვანეთის საოლქო პროკურატურამ დისციპლინარულ პასუხისგებაში მიცემის თაობაზე წარდგინება შეიტანა.
გამომძიებელმა გვილავამ ბეჟან ლემონჯავას ეჭვმიტანილად დაკავებისას ოქმში დაკავების საფუძველი არ მიუთითა.

ინსპექტორ-გამომძიებელმა მამფორიამ ეჭვმიტანილის დაკავების შესახებ მის ოჯახის წევრებს არ აცნობა.