არასამთავრობოები პოლიტპატიმართა მხარდამჭერ კომიტეტს ქმნიან

თბილისი.10.12.06.მედიანიუსი. არასამთავრობო ორგანიზაციათა კოალიციის წევრებმა დღეს თბილისის მე-7 საპყრობილესთან გამართულ საინფორმაციო აქციაზე პოლიტპატიმართა მხარდამჭერი კომიტეტის შექმნის შესახებ განაცხადეს.

როგორც 'მედიანიუსს' კოალიციის ხელმძღვანელმა დავით ლილუაშვილმა უთხრა, ორგანიზაციათა კოალიცია საზოგადოებრივი მიუკერძოებელი კომიტეტის შექმნას აპირებს, რომელიც საქართველოში დღეისათვის არსებული პოლიტპატიმრების ზუსტ რაოდენობასა და ვინაობას დაადგენს.

ლილუაშვილის თქმით, კომიტეტის ე.წ. 'პროგრამა-მინიმუმი' ქვეყნის ხელისუფლებისა და საერთაშორისო ორგანიზაციების მიერ საქართველოში პოლიტპატიმრების არსებობის  აღიარებაა, 'პროგრამა მაქსიმუმი' კი - ამ პოლიტპატიმართა გათავისუფლება.