რადიო „ჰერეთის“ ოფისი გაძარცვეს

24 დეკემბერს დაუდეგენელმა პირებმა რადიო „ჰერეთის“ „კომპიუტერული ცენტრის” ოფისი გაძარცვეს.

რადიო „ჰერეთის“  ცნობით, ცენტრიდან, სადაც კომპიუტერული პროგრამების შემსწავლელი კურსები  და  რადიოს  “ინტერნეტ-კაფე” იყო განთავსებვული, მძარცველებმა 8 კომპიუტერის  პროცესორი მოიპარეს.

მომხდართან დაკავშირებით აღძრულია სისხლის სამართლის საქმე, გამოძიებას ლაგოდეხის რაიონის პოლიცია აწარმოებს.
რადიო  „ჰერეთში“ აცხადებენ, რომ 24 დეკემბერს მომხდარი ინციდენტი მათი ოფისის გაძარცვის  უკვე მესამე შემთხვევაა და არც ერთი  მათგანი  გამოძიებული არ არის.

„ეს არის  დამოუკიდებელ ბიზნესსა და მედიაზე კიდევ ერთი ზეწოლა.  მოვითხოვ, საქმე  შინაგან საქმეთა მინისტრმა პირად კონტროლზე აიყვანოს, რადგან  ლაგოდეხის რაიონი ერთხელ და სამუდამოდ გაიწმინდოს კრიმინალებისაგან”-აცხადებს რადიო „ჰერეთის“ დირექტორი რამაზ სამხარაძე.

წყარო: რადიო „ჰერეთი“