თურქი ჟურნალისტი აფხაზეთში არ შეუშვეს

თურქი ჟურნალისტი სებეტინ სერბანი სოხუმის მთავრობამ აფხაზეთის თვითაღიარებული რესპუბლიკის ტერიტორიაზე არ შეუშვა.

ტელეკომპანია „რუსთავი 2“-ის ცნობით, სამეგრელო-ზემო სვანეთისა და აფხაზეთის ადმინისტრაციულ საზღვარზე, მდინარე ენგურის ხიდზე,  აფხაზებმა თურქ ჟურნალისტს რუსეთის ვიზა მოსთხოვეს.

თურქ ჟურნალისტს აფხაზეთში არსებული ბიზნეს-გარემოსა და ეკონომიკური ვითარების გაცნობა სურდა. მას ასევე  მარტში აფხაზეთში დანიშნულ საპარლამენტო არჩევნებთან დაკავშირებული საკითხები აინტერესებდა.

სერბენი ამჟამად ზუგდიდში იმყოფება და დღესვე თურქეთში დაბრუნებას აპირებს.

წყარო: Media.ge