გურჯაანის რაიონის სოფელ ზეგაანში მცხოვრები ფსიქიურად დაავადებული ფედია ჩერნომოროვი გურჯაანის პოლიციას ზეწოლაში ადანაშაულებს. როგორც ფედია ჩერნომოროვმა და მისმა მეუღლემ ნატო მეგრელიშვილმა „ადამიანის უფლებათა ცენტრს“ განუცხადეს, იმ ჩვენებების საფუძველზე, რომელიც პოლიციაში მათ ფულის სანაცვლოდ დააწერინეს, სამი ადამიანია დაკავებული. დათო ბოსტოღანაშვილს, ანდრო და ჰენო მალხაზიანებს გურჯაანის რაიონული სასამართლოს მოსამართლემ აღკვეთის ღონისძიების სახით ორთვიანი წინასწარი პატიმრობა გუშინ, 18 თებერვალს შეუფარდა.
ამ წუთებში გურჯაანის რაიონული სასამართლოს შენობის წინ დაკავებულების ახლობლები და მეზობლები საპროტესტო აქციას მართავენ. სასამართლოს გადაწყვეტილებას აპროტესტებენ დაზარალებულებიც, რომელთა განცხადებით, მათ არაერთხელ მიმართეს სასამართლოს და სიმართლის თქმა მოითხოვეს, თუმცა ამაოდ. „პოლიციის თანამშრომელმა ფული გადამიხადა, თან დამემუქრა. ბევრ რამეს არ ვეთანხმები, მაგრამ შემეშინდა და ხელი მოვაწერე,“- აღნიშნავს სისხლის სამართლის საქმეში დაზარალებული ნატო მეგრელიშვილი.
აქციის მონაწილეები დახმარებას სახალხო დამცველს და უფლებადაცვით ორგანიზაციებს სთხოვენ.
გელა მთივლიშვილი, კახეთი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
