წუხელ გვიან ღამით, ქუთაისის საპყრობილეში ფარმაცევტული ფირმა „ავერსის“ წარმომადგენლებმა 82 დასახელების მედიკამენტი შეიტანეს.
„სამედიცინო კუთხით ციხეში მძიმე მდგომარეობაა. ამ საკითხთან დაკავშირებით ჩვენ არაერთხელ მივმართეთ ადმინისტრაციას, მაგრამ უშედეგოდ. როცა მივხვდით, რომ პრობლემით ციხის ხელმძღვანელობა ვერ დავაინტერესეთ, ისევ გარე ძალებს ვთხოვეთ დახმარება. პატიმართა 70% მძიმე ავადმყოფია და მათი უწამლოდ ყოფნა წარმოუდგენელია,“ - აცხადებს სასჯელაღსრულების დეპარტამენტის #2 საპყრობილისა და მკაცრი რეჟიმის დაწესებულების საზოგადოებრივი კონტროლის კომისიის წევრი, ექიმი ირაკლი ლალიაშვილი.
„ავერსის“ წარმომადგენელმა გიორგი მამასახლისმა ქუთაისის საპყრობილეს 2500 ლარის ღირებულების მედიკამენტები გადასცა და აღნიშნა, რომ მსგავსი სახის აქცია მომავალშიც გაგრძელდება.
შორენა კაკაბაძე ქუთაისიდან
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
