თბილისი.19.03.07.მედიანიუსი. არასრულწლოვანი მსჯავრდებულის გიორგი ზერეკიძის სასამართლო პროცესის დასრულების შემდეგ სამართალდამცველებმა არასამთავრობო ორგანიზაცია "თანასწორობის ინსტიტუტის" წევრი ჯაბა ჯიშკარიანი დააკავეს.
როგორც "მედიანიუსს" "თანასწორობის ინსტიტუტის" წარმომადგენელმა ლევან გოგიჩაიშვილმა განუცხადა, ჯიშკარიანი სასამართლოს უპატივცემულობის ბრალდებით დააკავეს.
"ამ დროისთვის ჯიშკარიანი კვლავ სააპელაციო სასამართლოს შენობაში იმყოფება. სავარაუდოდ, მას 208-ე მუხლით გაასამართლებენ, რაც მაქსიმუმ ერთ თვემდე თავისუფლების აღკვეთას ითვალისწინებს", - განაცხადა ლევან გოგიჩაიშვილმა.