19 მარტს თბილისის სააპელაციო სასამართლოში მომხდარ ინციდენტთან დაკავშირებით ტელეკომპანია „რუსთავი 2“ სასამართლოს მიმართავს.
ამის შესახებ 20 მარტს „რუსთავი 2“-ის საინფორმაციო პროგრამა „კურიერის“ წამყვანმა განაცხადა.
„ტელეკომპანია ამ ინციდენტის გამოძიებას ითხოვს“, - ითქვა „კურიერის“ ეთერში.
სააპელაციო სასამართლოს მანდატურებმა ჟურნალისტებს, რომლებიც 14 წლის მოზარდის გიორგი ზერეკიძის სასამართლო პროცესის დროს დარბაზში მომხდარ არეულობას იღებდნენ, ფიზიკური შეურაცხყოფა მიაყენეს. ამასთან, დაიმტვრა ტელეკომპანია „რუსთავი 2“-ის კამერა.
წყარო: media.ge