21:56, Wednesday, 23.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

არასამთავრობოთა კოალიცია საზოგადოებას ქვეყანაში არსებულ დარღვევებზე რეაგირებისკენ მოუწოდებს

22.03.2007
„მართლმსაჯულებაში სერიოზული კრიზისია,“ - აცხადებენ არასამთავრობო ორგანიზაციათა კოალიცია  „სამოქალაქო საზოგადოება - დამოკრატიული საქართველოსათვის“ წევრები და საზოგადოებას სისტემაში არსებულ დარღვევებზე რეაგირებისაკენ მოუწოდებენ.

დღეს გამართულ პრესკონფერენციაზე, კოალიციაში შემავალი არასამთავრობო ორგანიზაციების ხელმძღვანელები გახმაურებულ სასამართლო პროცესებს, მათ შორის „თანასწორობის ინსტიტუტის“ წევრის ჯაბა ჯიშკარიანისა და 15 წლის გიორგი ზერეკიძის დაპატიმრებას გამოეხმაურნენ.

მათი შეფასებით, აღნიშნულ პირებს სასამართლომ არაადეკვატური სასჯელი შეუფარდა, რაც დამოუკიდებელი სასამართლო სისტემის არარსებობის შედეგია.

როგორც „თანასწორობის ინსტიტუტის“ წევრმა ლაშა ჩხარტიშვილმა აღნიშნა, სასამართლო ხელისუფლება აღმასრულებელ და საკანონმდებლო ხელისუფლების სერიოზულ ზეწოლას განიცდის. ამის გამო, უდანაშაულო ან ნაკლებად დამნაშავე ადამიანები ზარალდებიან, რეალური დამნაშავეები კი ან არ ისჯებიან ან მათ ლმობიერ სასჯელს უფარდებენ, ხოლო  თავისუფალი აზრი იდევნება.

„ყოფილი პოლიტპატიმრები ადამიანის უფლებებისათვის“ ხელმძღვანელის ნანა კაკაბაძის თქმით, მოსამართლეები მხოლოდ კანონისგან დამოუკიდებელნი აღმოჩნდნენ, რასაც საზოგადოება წინ უნდა აღუდგეს.

„კავკასიის ქალთა ქსელის“ ხელმძღვანელი ნინო ციხისთავი კი აცხადებს, რომ არასამთავრობოთა კოალიცია ხელისუფლებას მორალურად დააჯარიმებს: „ვაჯარიმებთ საპარლამენტო უმრავლესობას მისი ერთ-ერთი წევრის ნიკა გვარამიას გამოსვლისთვის, რომელშიც მან პირდაპირ გამოხატა სახელმწიფო ხელისუფლების ნება, რათა ზეწოლა მოხდეს თავისუფალ მედიაზე. ვაჯარიმებთ მთლიანად ხელისუფლებას იმ ნიჰილიზმისთვის და შიშისთვის, რასაც ის საზოგადოებაში ნერგავს,“ - აღნიშნა ნინო ციხისთავმა.

ახალგაზრდა იურისტთა ასოციაციის თავმჯდომარე გიორგი ჩხეიძე მიიჩნევს, რომ ამ ყოველივეზე რეაგირება თითოეულმა ჩვენგანმა უნდა მოახდინოს, იქნება ეს თავისუფალი აზრის გამოხატვა, თუ დაზარალებული ადამიანების გვერდში დგომა.

წყარო: მედიანიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC