ვენა ეუთოს საერთაშორისო კონფერენციას მასპინძლობს

ვენაში მიმდინარეობს ეუთოს დემოკრატიული ინსტიტუტების  განვითარებისა  და ადამიანის უფლებათა დაცვის ოფისის მიერ ორგანიზებული საერთაშორისო კონფერენცია, სადაც  ერთ-ერთ ძირითად საკითხად გამოტანილია სიტყვის თავისუფლების დაცვა  და მიტინგებსა და დემონსტრაციებში მოქალაქეთა  მონაწილეობის უფლება.

ორდღიან კონფერენციაში, რომელიც 29 მარტს დაიწყო, მონაწილეობენ ევროპის, პოსტსაბჭოთა ქვეყნებისა და ჩრდილოეთ ამერიკის არასამთავრობო ორგანიზაციების წარმომადგენლები. კონფერენციის მუშაობაში მონაწილოებას იღებენ  ასევე უფლებადაცვითი სფეროს ექსპერტები,  სახელმწიფო მოხელეები, საერთაშორისო ორგანიზაციებისა და ეუთოს სტრუქტურების წარმომადგენლები.
ეუთო ევროპის, ყოფილი საბჭოეთისა დაჩრდილოეთ ამერიკის 56 სახელმწიფოს აერთიანებს.

კონფერენციის შესახებ დამატებითი ინფორმაციისთვის ეწვიეთ ვებ-გვერდს: http://www.osce.org/odihr/

წყარო: Media.ge