გაერთიანებული ქართული ბანკის თანამშრომლის, სანდრო გირგვლიანის მკვლელობის საქმესთან დაკავშირებული საჩივარი ევროპის ადამიანის უფლებათა სასამართლოში დარეგისტრირდა. ის სტრასბურგის სასამართლოში გირგვლიანის დედამ, ირინა ენუქიძემ გაგზავნა.
როგორც "მედიანიუსს" გარდაცვლილის ოჯახის ერთ-ერთმა ადვოკატმა შალვა შავგულიძემ განუცხადა, საჩივარს, სახელწოდებით - "ენუქიძე საქართველოს წინააღმდგე", სარეგისტრაციო ნომერიც მიენიჭა. მის თანახმად, ირინა ენუქიძის მიმართ ევროპის ადამიანის უფლებათა კონვენციის რამდენიმე მუხლი დაირღვა. ესენია: მე-2 მუხლი - სიცოცხლის უფლება, მე-3 მუხლი - წამების აკრძალვა, მე-6 მუხლი - სამართლიანი სასამართლოს უფლება და მე-13 მუხლი - ადამიანის უფლებათა დაცვის ეფექტიანობა. ირინა ენუქიძე ევროპის სასამართლოსგან ამ მუხლების დარღვევის აღიარებას მოითხოვს.
წყარო: მედიანიუსი