საქართველოს სახალხო დამცველის აპარატის ბავშვის უფლებათა ცენტრმა შემოსული ინფორმაციის საფუძველზე არასრულწლოვან უ-ს საკითხი შეისწავლა.
6 წლის უ. საპატრულო პოლიციის თანამშრომლებმა 26 ივლისს გვიან ღამით ქუჩაში იპოვეს და „ბავშვთა სოციალური ადაპტაციის ცენტრში~ მიიყვანეს. სამედიცინო შემოწმების შედეგად გამოვლინდა, რომ ბავშვს სხეულისა და სახის არეში ჰქონდა დაზიანებები. ბავშვის თქმით, დაზიანებები მას დედამ მიაყენა.
სახალხო დამცველის წარმომადგენლებს უ-მ უამბო, რომ დედა სცემდა და გვიანობამდე ქუჩაში მათხოვრობას აიძულებდა.
საკითხის შესწავლის მიზნით სახალხო დამცველმა გლდანი-ნაძალადევის რესურსცენტრს მიმართა. დადგინდა, რომ უ. ნამდვილად იყო ოჯახური ძალადობის მსხვერპლი და სასტიკ პირობებში უწევდა ცხოვრება.
სახალხო დამცველის გლდანი-ნაძალადევის რესურსცენტრმა შესაბამისი ზომები მიიღო და ამჟამად უ. ბავშვთა სახლის ბინადარია.
როგორც სახალხო დამცველისთვის გახდა ცნობილი, რესურსცენტრმა 6 წლის უ-ს დედისათვის მშობლის უფლების ჩამორთმევის მოთხოვნით სასამართლოს მიმართა. ამასთან, დასადგენია, ხომ არ იკვეთება დედის მხრიდან სისხლის სამართლებრივი ქმედებების ნიშნები.
წყარო: სახალხო დამცველის აპარატის ინფორმაციის სამმართველო