00:13, Sunday, 16.05.2021
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მოშიმშილე პატიმარი სახალხო დამცველის წარმომადგენლებმა მოინახულეს

13.10.2014

 
შორენა კაკაბაძე, ქუთაისი

ქუთაისის #2 სასჯელაღსრულების დაწესებულების პატიმარი, რომელიც მიმდინარე წლის 21 აგვისტოდან შიმშილობს, სახალხო დამცველის იმერეთის რეგიონული ოფისის წარმომადგენლებმა მოინახულეს. რუსლან პერტაიამ, რომელსაც მართლმსაჯულება ერთი ტომარა თხილის მოპარვას ედავება, ჯანმრთელობის მდგომარეობის გამო შიმშილობა შეწყვიტა, თუმცა, მოგვიანებით პროტესტის უკიდურეს ფორმას მიმართა - პირი და თვალები ამოიკერა. 

„პატიმარი საქმის გადახედვას ითხოვს  და ამბობს, რომ უდანაშაულოა. პერტაია, რომელსაც ბრალი ქურდობის მუხლით აქვს წაყენებული, ითხოვს, რაც შეიძლება მალე დაინიშნოს სასამართლო პროცესი. მან 3 ოქტომბერს შიმშილობა სასამართლო პროცესის გამო შეწყვიტა, რომელიც 7 ოქტომბერს იყო დანიშნული და  გადაიდო. პატიმარმა 8 ოქტომბერს შიმშილობა კვლავ განაახლა. ასევე, ამოიკერა პირი და თვალები. მისი ჯანმრთელობის მდგომარეობა მძიმეა,“ - ამბობს humanrights.ge-სთან საუბარში სახალხო დამცველის იმერეთის რეგიონული ოფისის წარმომადგენელი ქსენია მესხიძე.

ოჯახის წევრები პერტაიას დაკავებაში ზუგდიდის პოლიციის სამმართველოს ერთ-ერთ მაღალჩინოსანს ადანაშაულებენ და სამართალდამცველებს საქმის ობიექტურ მოკვლევას თხოვენ. 

„მამაჩემის ჯანმრთელობის მდგომარეობა უკიდურესია. შეიძლება გარდაიცვალოს კიდეც. ღმერთმა დაგვიფაროს და თუ ასე მოხდა, მიცვალებულს არ დავასაფლავებთ. წავიღებთ და ზუგდიდში, პოლიციის სამმართველოს წინ დავასვენებთ. თავს არც ჩვენ, ოჯახის წევრები ვიცოცხლებთ,“ - აცხადებს პატიმარ რუსლან პერტაიას ქალიშვილი ნათია პერტაია. იგი სასჯელაღსრულების დეპარტამენტის ხელმძღვანელობას თხოვნით მიმართავს, მიიღოს შესაბამისი ზომები, რათა პატიმარმა უახლოეს პერიოდში შიმშილობა შეწყვიტოს.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი

   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2021 HRIDC