00:16, Sunday, 16.05.2021
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ყოფილმა პოლიციელმა ავტოსაგზაო შემთხვევისათვის მაქსიმალური სასჯელი მიიღო

24.02.2021

 
Humanrights.ge

19 თებერვალს თბილისის საქალაქო სასამართლომ პოლიციის ყოფილ დეტექტივ ა. ი.-ს  სასჯელის მაქსიმუმი - 7 წლით თავისუფლების აღკვეთა მიუსაჯა ავტოსაგზაო შემთხვევისათვის, რომელსაც ტრაგედია მოჰყვა. 

2018 წლის 8 ივლისს, თბილისში, დადიანის გამზირზე, შსს-ს თბილისის პოლიციის დეპარტამენტის დეტექტივი ა. ი. თავის მფლობელობაში არსებული ავტომობილით დაეჯახა ქ. მ.-სა და ე. მ.-ს და შემთხვევის ადგილიდან მიიმალა. მომხდარი ავტოსაგზაო შემთხვევის შედეგად, 20 წლის ქ.მ. საავადმყოფოში გადაყვანის შემდეგ გარდაიცვალა. ა. ი. მხოლოდ ორი დღის შემდეგ გამოცხადდა პოლიციის განყოფილებაში.

მიმდინარე სისხლის სამართლის საქმეზე ორი წლის განმავლობაში ა. ი.-ს პასუხისმგებლობის საკითხი არ დამდგარა და იგი კვლავ აგრძელებდა მუშაობას შსს-ს თბილისის პოლიციის დეპარტამენტში დეტექტივის თანამდებობაზე. ამ პერიოდის განმავლობაში იგი დააწინაურეს კიდეც.

ქ. თბილისის პროკურატურა საქმეზე გადაწყვეტილების მიღების გაჭიანურების მიზეზად 2018 წლის 24 ივლისს დანიშნულ კომისიურ ექსპერტიზას ასახელებდა. ლევან სამხარაულის სახელობის სასამართლო ექსპერტიზის ეროვნულ ბიუროს თითქმის ორი წელი დასჭირდა დასკვნის გასაცემად. 

დაზარალებული ოჯახის უფლებადამცველი ორგანიზაციის - ადამიანის უფლებათა ცენტრის მიმართვის მიუხედავად, შინაგან საქმეთა სამინისტროს გენერალურმა ინსპექციამ არ შეისწავლა ა. ი.-ს საქმე. უწყების განმარტებით, ა.ი.-ს საქმეზე გადაწყვეტილების მიღება მოხდებოდა თბილისის პროკურატურის შემაჯამებელი გადაწყვეტილების შემდგომ. თუმცა, კომპეტენტურმა ორგანოებმა არ მოახდინეს რეაგირება იმ ფაქტზე, რომ ა. ი. შემთხვევის ადგილიდან მიიმალა და არ შეასრულა თავისი, როგორც მოქალაქეობრივი, ისე სამსახურეობრივი ვალდებულება.

2020 წლის 19 ივნისს, შსს-ს თბილისის პოლიციის დეპარტამენტის დეტექტივს, ა. ი-ს, თბილისის საქალაქო სასამართლომ აღკვეთი ღონისძიების სახით პატიმრობა შეუფარდა. ა. ი-ს ბრალეულობის საქმე ქ. თბილისის პროკურატურის წარმოებაში იყო.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი

   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2021 HRIDC