პორტალი ადამიანის უფლებების შესახებ

23 იანვარს, 11:00 საათზე, "კვირას" პრესკლუბში ადამიანის უფლებათა ცენტრი გაურკვეველ ვითარებაში გარდაცვლილი ზურა ხუციშვილის საქმეზე პრესკონფერენციას გამართავს. ადამიანის უფლებათა ცენტრი შეშფოთებას გამოხატავს საეჭვო ვითარებაში გარდაცვლილი ზურა ხუციშვილის საქმეზე გამოძიების გაჭიანურების გამო. მიუხედავად რიგი მტკიცებულებების არსებობისა, სამი წელია, გამოძიება უშედეგოდ მიმდინარეობს და დღემდე არ მომხდარა იმ პოლიციელების იდენტიფიცირება, რომლებიც გარდაცვალებამდე ზურა ხუციშვილის ავტომობილს დაედევნენ. პროკურატურას, ასევე, არ შეუსწავლია ის გარემოებები, რამაც ხუციშვილის გარდაცვალება გამოიწვია. 

მისამართი: "კვირას" პრესკლუბი. კოსტავას ქ. 47, მესამე სართული, ოთახი 4