08:54, Thursday, 24.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მასწავლებელი მოსწავლეს ცემაში ადანაშაულებს

13.10.2010
სოფელ კარდენახის საჯარო სკოლის ქართული ენისა და ლიტერატურის მასწავლებელი ლილი ოდიშელიძე ამავე სკოლის მე-9 კლასის მოსწავლეს ცემაში ადანაშაულებს. მასწავლებელმა საჩივრით გურჯაანის პოლიციას მიმართა. კახეთის საინფორმაციო ცენტრის ინფორმაციით, ინციდენტი გაკვეთილზე მოხდა. მასწავლებელმა მოსწავლე შეაგინა, რამაც ბავშვის გაღიზიანება გამოიწვია.

კარდენახის საჯარო სკოლის დირექტორის მაკა ღლიღვაშვილის განმარტებით, მოსწავლე ფსიქიურად გაუწონასწორებელია. „რომ შეხედავთ, ეტყობა, რომ მთლად ნორმალური არ არის. მისი ოჯახი ძალიან გაჭირვებულია და სკოლაში აგრესიული მოდის. რაც შეეხება ინციდენტს, მოსწავლეს ჩადენილი დანაშაულისთვის სკოლის დისციპლინური კომიტეტის გადაწყვეტილებით სასტიკი საყვედური გამოვუცხადეთ“, - აღნიშნავს სკოლის დირექტორი. იგი უარყოფს ინფორმაციას იმის შესახებ რომ ამავე მოსწავლეს დასჯის მიზნით თავად ცემს ხოლმე.

„ეგ არის სრული სიცრუე. დამისახელეთ ვინ მოგაწოდათ ეს ინფორმაცია და მერე ერთად გადავამოწმოთ თუ იტყვის. ამას არავინ დაადასტურებს“, - განაცხადა მაკა ღლიღვაშვილმა.

კახეთის საინფორმაციო ცენტრს კარდენახის სკოლის უფროსკლასელმა მოსწავლეებმა განუცხადეს, რომ სკოლის დირექტორი მე-9 კლასის მოსწავლეს, რომელსაც მასწავლებლის ცემაში ადანაშაულებენ, დასჯის მიზნით ცემს ხოლმე.

რაიონული პოლიკლინიკიდან მიღებული ინფორმაციით, მასწავლებლის ცემაში დადანაშაულებული მოზარდი, რომელსაც სკოლის დირექტორი ფსიქიკურად გაუწონასწორებელს უწოდებს, სრულიად ჯანმრთელია.

მოზარდი მასწავლებლის ცემას უარყოფს. მისი თქმით, მასწავლებელმა ის შეაგინა, რის გამოც გაღიზიანდა, თუმცა მასწავლებელი არ უცემია.

მასწავლებლის საჩივრის საფუძველზე გურჯაანის პოლიციაში აღძრულია სისხლის სამართლის საქმე. გამოძიება სსკ-ის 118-ე მუხლის I ნაწილით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულისხმობს. დანაშაული ერთიდან სამ წლამდე თავისუფლების აღკვეთას ითვალისწინებს.

მოზარდის ინტერესების დასაცავად საქმეში „ადამიანის უფლებათა ცენტრი“ ჩაერთო. უფლებადაცვითი ორგანიზაციის იურისტის განცხადებით, საქმე შესწავლის პროცესშია, თუმცა სხვადასხვა პირებისგან მიღებული ახსნა-განმარტებებით უკვე დადასტურებულია, რომ მოზარდს სკოლაში ხშირად შეურაცხყოფენ.

კახეთის საინფორმაციო ცენტრი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC