04:10, Thursday, 06.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ირაკლი ოქრუაშვილი სასამართლომ წინასწარ პატიმრობაში დატოვა

01.04.2020

თბილისის საქალაქო სასამართლომ 2019 წლის 20-21 ივნისის მოვლენებთან დაკავშირებულ საქმეზე დაკავებული „გამარჯვებული საქართველოს“ ლიდერი  ირაკლი ოქრუაშვილი პატიმრობაში დატოვა.

31 მარტს დაცვის მხარემ დააყენა შუამდგომლობა პატიმრობის გაუქმების მოთხოვნით, მაგრამ მოსამართლე ლავრენტი მაღლაკელიძემ ადვოკატის შუამდგომლობა არ დააკმაყოფილა.  

როგორც მოსამართლემ განმარტა, იგი აზრს ვერ ხედავს აღკვეთის ღონისძიების შეცვლაში, ვინაიდან ბრალდებული ირაკლი ოქრუაშვილი სხვა სისხლის სამართლის საქმესთან დაკავშირებითაც იმყოფება პატიმრობაში და აღკვეთის ეს ღონისძიება არ შეცვლილა 26 მარტს გამართულ შესაბამის სასამართლო სხდომაზე მოსამართლე ლაშა ჩხიკვაძის მიერ. 

2019 წლის 20-21 ივნისის მოვლენებთან დაკავშირებულ საქმეზე ირაკლი ოქრუაშვილს სასამართლომ აღკვეთის ღონისძიებად პატიმრობა 2019 წლის 27 ივლისს შეუფარდა. გამოძიება მას სსკ-ის 225-ე მუხლით გათვალისწინებულ დანაშაულს ედავება, რაც ჯგუფური ძალადობის ხელმძღვანელობას და მასში მონაწილეობას გულისხმობს.

პარალელურად, 2019 წლის 19 ნოემბერს პროკურატურამ ირაკლი ოქრუაშვილს სამსახურებრივი უფლებამოსილების ბოროტად გამოყენების ბრალდება წარუდგინა. ბრალდება 16 წლის წინანდელ გახმაურებულ სპეცოპერაციას უკავშირდება - 2004 წლის 24 ნოემბერს პატრულის მიერ გასროლილი ტყვიით 19 წლის ამირან (ბუტა) რობაქიძე გარდაიცვალა.

ირაკლი ოქრუაშვილის მიმართ აღძრული სისხლის სამართლის საქმის სასამართლო განხილვა გრძელდება.

ადამიანის უფლებათა ცენტრი საზოგადოებრივი მოვლენების მონიტორინგის პროექტის ფარგლებში, მოცემულ ეტაპზე სავარაუდოდ პოლიტიკური მოტივით ბრალდებულ პირთა 12 სასამართლო პროცესს აკვირდება. მათ შორის არის ირაკლი ოქრუაშვილის სისხლის სამართლის ორი საქმე. 






Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC