09:43, Sunday, 31.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ინვალიდ-პენსიონერს სესხის დასაფარავად პენსიას ართმევენ

12.11.2007
 შოთა გორგაძე
„ადამიანის უფლებათა ცენტრის” აჭარის ბიუროს 72 წლის შოთა გორგაძემ მიმართა. მას ბათუმის საქალაქო სასამართლოს, 2007 წლის 16 ოქტომბრის გადაწყვეტილების გასაჩივრებაში დახმარება სჭირდება.

აღნიშნული გადაწყვეტილებით, ბათუმის საქალაქო სასამართლოს მოსამართლე ხათუნა ბოლქვაძე მოსარჩელის შოთა გორგაძის სარჩელი არ დააკმაყოფილა. კერძოდ, შოთა გორგაძე 2000 წლიდან სს. „საქართველოს სახალხო ბანკის“ ბათუმის ფილიალში შემფასებელ-ექსპერტად მუშაობდა. ამა წლის მაისში, გორგაძეს მეუღლე გარდაეცვალა და ბანკმა დახმარების სახით სესხი, 770 ლარი მისცა, რომელიც ხელფასიდან (350 ლარი), ყოველთვიურად (102 ლარი), რვა თვის მანძილზე უნდა დაეფარა. თუმცა სესხის მიღების მეორე თვეს, ის სამსახურიდან გაათავისუფლეს და სესხის დაფარვა მისი პენსიის - 48 ლარის, სრული დაკავებით მიმდინარეობს.

ექვსწევრიან გორგაძეების ოჯახში შემოსავალი მხოლოდ რძალს, ისიც 80 ლარის ოდენობით აქვს. მათივე კმაყოფაზეა ავადმყოფი ქალიშვილი, რომელსაც მეუღლე გარდაეცვალა და ამჟამად მძიმედაა დაავადებული. გორგაძემ სასამართლოს მიმართა, მაგრამ ბათუმის საქალაქო სასამართლომ არც მისი მძიმე სოციალური მდგომარეობა გაითვალისწინა და არც კანონი პენსიის შესახებ.

„ერთადერთი თავის რჩენისა და არსებობის წყაროა, ჩემი პენსიაა, რაც ფაქტობრივად, მომისპეს კიდეც. პენსიის თანხიდან, ცოტა მაინც რომ დამიტოვონ, არ შეიძლება? ნუთუ კანონი აძლევთ მათ ამის უფლებას? ნახევარი მაინც რომ დამიტოვონ, რამდენიმე დღე მშიერი მაინც არ ვივლი და პურს ვიყიდი. ჩემს შვილიშვილებს როგორ წავართვა ხელიდან პური?“, - კითხულობს ინვალიდი პენსიონერი.

„ადამიანის უფლებათა ცენტრის“ იურისტის, ბაკურ ბოლქვაძის განცხადებით, პენსიის 50%-ზე მეტის დაკავება არ შეიძლება: „მართალია, სახელმწიფო პენსიის შესახებ საქართველოს კანონის მე-19 მუხლი ითვალისწინებს პენსიის თანხის დაკავებას კომპეტენტური ორგანოს ან სასამართლოს გადაწყვეტილების საფუძველზე, მაგრამ ამავე მუხლის მე-3 პუნქტი იმპერატიულად მიუთითებს, რომ სასამართლო გადაწყვეტილებით შეიძლება დანიშნული პენსიის არა უმეტეს 50%-ის დაკავება. აღნიშნულ შემთხვევაში, სამწუხაროდ, სასამართლოს არ უმსჯელია თავის გადაწყვეტილებაში ამ იმპერატიული ნორმის სავალდებულობაზე და უმართებულო გადაწყვეტილება ნორმის იგნორირებით გამოიტანა“.

ახლა, პენსიონერი შოთა გორგაძე სააპელაციო სასამართლოს სამართლიან გადაწყვეტილებას ელოდება. მანამდე კი, ყოველდღიურად, ბათუმის ოქროს ბირჟაზე დადის და რამდენიმე თეთრად, ვისაც სურვილი აქვს, შეძენილი ოქროს ხარისხს უმოწმებს: „ხანდახან ერთ თეთრსაც ვერ ვაკეთებ. ხანდახან ერთ ან მაქსიმუმ ორ ლარს“.

მაკა მალაყმაძე, ბათუმი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC