19:09, Monday, 30.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სახალხო დამცველი პატიმარ გოჩა ფაცურიას ცემის ფაქტს წამებად მიიჩნევს

18.01.2006

სახალხო დამცველი პატიმარ გოჩა ფაცურიას ცემის ფაქტს წამებად მიიჩნევს

თბილისი.17.01.06.მედიანიუსი. საქართველოს სახალხო დამცველმა თბილისის #1 საპყრობილეში პატიმარი გოჩა ფაცურია მოინახულა. პატიმარი სასტიკად არის ნაცემი და სხეულის მრავლობითი დაზიანებები აღენიშნება.

სახალხო დამცველის აპარატის ინფორმაციით, გოჩა ფაცურია სასჯელს ქსნის ტუბერკულოზით დაავადებულ პატიმართა დაწესებულებაში იხდიდა, სადაც შელაპარაკება მოუვიდა დაწესებულების ხელმძღვანელობასთან. მისი განცხადებით, 14 იანვარს, როდესაც შეხვედრების ოთახში დედასა და დას ხვდებოდა, სპეცდანიშნულების რაზმის წევრებმა, ტუბზონის უფროსის მოადგილემ და სასჯელაღსრულების დეპარტამენტის უფროსის მოადგილემ იგი სასტიკად სცემეს. ფაცურიას განცხადებით, ფიზიკური შეურაცხყოფა დედასაც მიაყენეს.

ინციდენტის შემდეგ ნაცემი პატიმარი ქსნის კოლონიაში გადაიყვანეს და კარცერში ჩასვეს, სადაც კოლონიის უფროსმა და მოადგილემ ხელკეტებით სცემეს.

15 იანვარს სასტიკად ნაცემი გოჩა ფაცურია თბილისის #1 საპყრობილეში გადაიყვანეს.

სახალხო დამცველის წარმომადგენლებთან საუბრისას, ცემის ფაქტს ფაცურიას დედა და დაც ადასტურებენ.

სახალხო დამცველმა იუსტიციის სამინისტროს სასჯელაღსრულებითი დეპარტამენტის თავმჯდომარეს ბაჩო ახალაიას გოჩა ფაცურიას პატიმართა და მსჯავრდებულთა სამკურნალო დაწესებულებაში გადაყვანის რეკომენდაციით მიმართა.

სოზარ სუბარმა ასევე რეკომენდაციით მიმართა იუსტიციის სამინისტროს სასამართლო  ექსპერტიზის ეროვნული ბიუროს უფროსს ირაკლი კლდიაშვილს, რათა პატიმარს ფიზიკურ დაზიანებებთან დაკავშირებით საექსპერტო გამოკვლევა ჩაუტარდეს.

როგორც სახალხო დამცველი აცხადებს, ადგილი ჰქონდა პატიმრის წამებასა და მის მიმართ სასტიკ მოპყრობას. შესაბამისად, მან რეკომენდაციით მიმართა გენერალურ პროკურორს და აღნიშნული საკითხის შესწავლა სთხოვა.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

შშმ მსჯავრდებულთა უფლებები პენიტენციურ დაწესებულებაში
შვიდი წელია არასამთავრობო ორგანიზაცია ადამიანის უფლებათა ცენტრში ვმუშაობ და ამდენივე წელია, რაც პენიტენციურ დაწესებულებაში მყოფ მსჯავრდებულთა უფლებრივ მდგომარეობას ვსწავლობ.
ვრცლად...
გორაშვილი vs ნაჭყებია
სიკვდილით სავსე ქალაქი
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC