11:18, Sunday, 15.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ჟურნალისტები გლობალურ სოლიდარობას ითხოვენ

06.05.2008
ჟურნალისტთა საერთაშორისო ფედერაცია (IFJ) აცხადებს, რომ უსაფრთხოების, მუშაობის რიგიანი პირობებისა და ხარისხიანი ჟურნალისტიკისათვის გლობალური ბრძოლის მოგება მხოლოდ იმ შემთხვევაშია შესაძლებელი, თუ ჟურნალისტები თავიანთი უფლებების დასაცავად ერთად დადგებიან.
მსოფლიო პრესის თავისუფლების დღისადმი მიძღვნილ განცხადებაში, ჟურნალისტთა საერთაშორისო ფედერაცია ითხოვს გლობალური სოლიდარობის განახლებას, რათა ჟურნალისტებმა ერთად დაძლიონ ის საფრთხეები, რომელთა წინაშეც დგას მედია.
“ჟურნალისტიკის მომავალი დამოკიდებულია სოლიდარობაზე,”- განაცხადა ჟურნალისტთა საერთაშორისო ფედერაციის პრეზიდენტმა ჯიმ ბუმელამ,- “ჩვენ მუშაობა დემოკრატიისა და ადამიანთა უფლებებისათვის ბრძოლის პირობებში გვიწევს”.
ჟურნალისტთა საერთაშორისო ფედერაცია აცხადებს, რომ ჟურნალისტიკის მომავალს საფრთხეს უქმნის პოლიტიკური სარჩულის მქონე პროპაგანდისტული „ტრიუკები“ და მედიის ჩაჩუმების მცდელობა, სარედაქციო ბიუჯეტების შემცირებასთან ერთად.
“ახლახანს, ჩინეთიდან, პაკისტანიდან, რუსეთიდან, მექსიკიდან და ერაყიდან ჩვენმა კოლეგებმა სოლიდარობა გამოგვიცხადეს,” – განაცხადა ბუმელამ, - “ამ ქვეყნებში ჟურნალისტები ზეწოლის ქვეშ იმყოფებიან. ჩვენი კოლეგები თავიანთი უფლებებისათვის ბრძოლაში წარმატებას მიაღწევენ, თუ ერთად იმუშავებენ, ჟურნალისტიკის ყველა წარმომადგენელს, ახალსა თუ ძველს, მიაწვდიან ხმას და ერთმანეთთან მტკიცე კავშირს დაამყარებენ, რაც ძლიერი ჟურნალისტიკის საწინდარია. იქ, სადაც არ არის ერთსულოვნება და ერთიანობა, პრესის თავისუფლების მტრები წარმატებას ver აღწევენ ”.
არნ კონიგმა, ჟურნალისტთა ევროპის ფედერაციის თავმჯდომარემ, განაცხადა: “მსოფლიო პრესის თავისუფლების დღე საშუალებას გვაძლევს ყველას ცხადად დავანახოთ, თუ რაოდენ მნიშვნელოვანია ხარისხიანი ჟურნალისტიკა დემოკრატიისათვის და, რომ ხარისხიანი ჟურნალისტიკა არსებობს მაშინ, როდესაც ჟურნალისტებს გააჩნიათ რიგიანი სამუშაო პირობები და მათ, ნატვირთი ფუნქციიდან გამომდინარე, პატივისცემით ეპყრობიან“.
ევროპის ჟურნალისტთა ფედერაციის განცხადებით, ჟურნალისტებზე განხორციელებული ზეწოლა, ინფორმაციის წყაროს გასამჟღავნებლად, ასევე პოლიტიკოსთა  მხრიდან მათ საქმიანობაში ხშირი ჩარევა, წარმოადგენს ძირითად დაბრკოლებებს, რომლის წინაშე დგანან დღეს მედია საშუალებები  და ჟურნალისტები.

წყარო: Media.ge

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC