სოფელ დაბა განთიადის მოსახლეობას, იმ მეზობელთა გადასახდელ თანხას სთხოვენ, რომლებიც მითითებულ მისამართზე აღარ ცხოვრობენ.
„თენგიზ შავაძის ოჯახი სამი წელია, რაც სოფელ განთიადის ნაცვლად, ხულოს რაიონში ცხოვრობს. ჩვენ კი ამ ოჯახის ელექტროენერგიის გადასახადის გამო, დენი გაგვითიშეს“, - აცხადებენ ადგილობრივები.
განთიადელებს კიდევ ერთი პრობლემა აქვთ: ელექტროენერგიის ქვითრები ხანძრის შედეგად გადამწვარი სახლების მეპატრონეების სახელზე მიდის. ერთიანმა დავალიანებამ კი 11 ათასს ლარს მიაღწია.
აღნიშნული პრობლემების თაობაზე, მოსახლეობას ხელვაჩაურის სერვის-ცენტრის ხელმძღვანელობა არ პასუხობს. მათი განცხადებით, დაცვამ შენობაში არ შეუშვა.
მაკა მალაყმაძე, ბათუმი