15:49, Wednesday, 08.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რეგიონული მედიის ასოციაცია მედიაზე ზეწოლის ფაქტებს აპროტესტებს

12.01.2010
საქართველოს რეგიონული მედიის ასოციაცია პროტესტს აცხადებს, ბოლო დროს, საქართველოს რეგიონებში საინფორმაციო საშუალებებზე და ჟურნალისტებზე განხორციელებულ ზეწოლის ფაქტებთან დაკავშირებით.

„ზუგდიდში ჟურნალისტების - ნანა ფაჟავასა და ილია ჩაჩიბაიას მიმართ გახორციელებული ძალადობა ნათელი მაგალითია, როგორ პირობებში უხდებათ მუშაობა ჟურნალისტებს. შესაბამისი ორგანოების ყურადღების მიღმა დარჩა კახეთში, გაზეთების - „სპექტრისა“ და „კახეთის ხმის“ საერთო ვებ-გვერდის დაზიანების ფაქტი. სამწუხაროდ, გრძელდება დამოუკიდებელი საინფორმაციო წყაროების შემცირების ტენდენცია, რაც ხშირად ფინანსურ ან პოლიტიკურ გადაწყვეტილებათა რიგს მიეკუთვნება. ამის მაგალითია, თელავში მაუწყებელი ტელეკომპანია „თანამგზავრის“ წინაშე არსებული პრობლემები, რამაც საინფორმაციო გამოშვებების შეჩერება გამოიწვია; უკიდურესად გართულებულია ინფორმაციის მიღება დამოუკიდებელი მედიასაშუალებების ჟურნალისტებისთვის, განსაკუთრებით - რეგიონებში, სადაც საჯარო მოხელეები უარს აცხადებენ, არასასურველ ჟურნალისტებს მიაწოდონ კომენტარები და საჯარო ინფორმაცია. ხოლო პრესსამსახურების მიერ წინასწარი ინფორმირება მხოლოდ სასურველი მედიასაშუალებების პრეროგატივაა; საჯარო სამსახურების თანამშრომლებს უკრძალავენ ხელისუფლებისთვის „არაკეთილმოსურნე“ გაზეთების გამოწერას, ხოლო მეწარმეებს - ამ გაზეთებში რეკლამების განთავსებას; გრძელდება დამოუკიდებელი მედიასაშუალებების მიმართ ცილისწამების, გადაუმოწმებელი და უსაფუძვლო ბრალდებების ტირაჟირება, რასაც, სამწუხაროდ, ხელისუფლების „ჯიბის“ მედიასივრცე დაუღალავად ემსახურება და ზოგადად, მედიის მიმართ საზოგადოების უნდობლობას მიზანმიმართულად აღვივებს. ამასთან, გამოუძიებელია და რეაგირების გარეშეა დარჩენილი ყველა ის ფაქტი, რასაც ჟურნალისტების მიმართ ძალადობა, მუშაობაში ხელის შეშლა მოჰყვა შედეგად. ეს ყველაფერი, გაუსაძლისს ხდის საქართველოში ჟურნალისტურ საქმიანობას, ასამარებს მედიის, როგორც ბიზნესის განვითარების პერსპექტივას“, - ნათქვამია ასოციაციის განცხადებაში.

საქართველოს რეგიონული მედიის ასოციაცია მოუწოდებს საზოგადოებას, უფლებადამცველ ადგილობრივ და საერთაშორისო ორგანიზაციებს, უფრო აქტიურად დაუდგნენ მხარში დამოუკიდებელ მედიას გადარჩენისთვის ბრძოლაში.

კახეთის საინფორმაციო ცენტრი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC