15:06, Wednesday, 08.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ტელეკომპანია „მაესტროს“ სპეციალური განცხადება

29.01.2010
ტელეკომპანია „მაესტრომ“ და მამუკა ღლონტმა ამავე ტელეკომპანიის ჟურნალისტებზე ბოლო დროს გახშირებულ ზეწოლასთან დაკავშირებით, 28 იანვარს სპეციალური განცხადება გაავრცელეს. განცხადების ტექსტს უცვლელად გთავაზობთ:

„მივმართავთ საქართველოში აკრედიტებულ დიპლომატიურ კორპუსს და საქართველოში მოქმედ ადამიანის უფლებათა დამცველ არასამთავრობო ორგანიზაციებს: სამართალდამცავები აგრძელებენ „მაესტროში“ მომუშავე ჟურნალისტების პროფესიული საქმიანობისთვის ხელის შეშლას. არ წყდება ფიზიკური და მორალური ზეწოლა კორესპონდენტებზე. დღეს საღამოს, ჭავჭავაძის გამზირზე მიმდინარე დევნილების აქციის დროს ფიზიკური შეურაცხყოფა მიაყენეს ტელეკომპანია „მაესტროს“ ოპერატორს გიორგი ბაზალს, რის გამოც ის საავადმყოფოში მოხვდა. არსებობს ამ შემთხვევის დამადასტურებელი ვიდეოფირი. გარდა ამისა, საავადმყოფოში მისული პოლიციელები შეეცადნენ, გიორგი ბაზალის მიერ კანონმდებლობის არასრულად ცოდნა გამოეყენებინათ სათავისოდ და აეღოთ მისგან ჩვენება ადვოკატის გარეშე.

დღესვე ტელეკომპანია „მაესტროს“ ჟურნალისტი ნინი საყვარელიძე, რომელიც თავის ოპერატორთან ერთად იღებდა შინაგან საქმეთა სამინისტროს სპეციალური ოპერატიული დეპარტამენტის შენობის გარე ხედებს, რაც კანონით აკრძალული არ არის, მოხვდა იგივე უწყების თანამშრომლების ზეწოლის ქვეშ. ნინი საყვარელიძე და ოპერატორი აიძულეს, შესულიყო შინაგან საქმეთა სამინისტროს სპეციალური ოპერატიული დეპარტამენტის შენობის ეზოში განთავსებულ დაცვის ჯიხურში, სადაც აიძულეს, გადაღებული ვიდეომასალა წაეშალა, რის შემდეგაც სამართალდამცავებმა ჟურნალისტები გაათავისუფლეს.

ორი დღის წინ, 26 იანვარს, ჩვენს ჟურნალისტს თეონა ლალიაშვილს, რომელიც თავის ოპერატორთან ერთად შემთხვევით შეესწრო მოქალაქის დაკავებას, შინაგან საქმეთა სამინისტროს სპეციალური ოპერატიული დეპარტამენტის თანამშრომლებმა ძალის გამოყენებით წაართვეს ფირი, რომელზე აღბეჭდილი მასალაც შინაგან საქმეთა სამინისტროში წაშალეს და კასეტა ისე დააბრუნეს.

საქართველოში ობიექტური ჟურნალისტური საქმიანობის წარმოება ყოველდღიურად სახიფათო ხდება. ამ მიმართვის ყველა ადრესატს ვთხოვთ, კანონით არსებული ყველა საშუალების გამოყენებას საქართველოში ჟურნალისტური საქმიანობის განხორციელებაში ხელის შეშლის აღსაკვეთად“.

„ინტერპრესნიუსი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC