22:41, Thursday, 04.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თბილისის მერიის თანამშრომელი ჟურნალისტებს მუშაობაში ხელს უშლის

19.05.2010
გაზეთ „გურია ნიუსის“ ჟურნალისტს ჟანა მეგრელიშვილს თბილისის მერიის ახალგაზრდულ საქმეთა მონიტორინგის განყოფილების მთავარმა სპეციალისტმა აკაკი სტურუამ სიტყვიერი შეურაცხყოფა მიაყენა და პროფესიული მოვალეობის შესრულებაში ხელი შეუშალა.

ეს ფაქტი 3 მაისს ქალაქ ოზურგეთში „ნაციონალური მოძრაობის“ კანდიდატთა მორიგი წარდგენის დროს მოხდა. სტურუამ ჟურნალისტს არ მისცა ღონისძიებაზე ფოტოს გადაღების საშუალება, მიაყენა სიტყვიერი შეურაცხყოფა და საჯაროდ, ხმამაღლა, უშვერი სიტყვებით აგინა, როგორც მეგრელიშვილი, ასევე გაზეთი „გურია ნიუსი“.
 
მიუხედავად იმისა, რომ ამ ინცინდენტს ათეულობით „შვებულებაში“ გასული თუ მოქმედი საჯარო მოხელე ესწრებოდა, რეაგირება არავის მოუხდენია. არავის უცდია თბილისის მერიის ახალგაზრდა თანამშრომლის შეჩერება.

დაუდასტურებელი ინფორმაციით, წინასაარჩევნოდ თბილისიდან ოზურგეთში მოვლინებული აკაკი სტურუა მაღალჩინოსნების მფარველობით სარგებლობს და აქტიურობის შემთხვევაში, მას ოზურგეთის მუნიციპალიტეტის გამგებლად დანიშვნას ჰპირდებიან.

„სამწუხარო და საგანგაშოა, როცა ჟურნალისტს და მედიასაშუალებას სიტყვიერ შეურაცხყოფას აყენებს პიროვნება და გაცილებით ცუდია, როცა ამას ხელისუფლების წარმომადგენელი აკეთებს.  ხელისუფლება კანონის დაცვის გარანტად გვევლინება და იგი მაგალითი უნდა იყოს სხვებისთვის, თუ როგორ პატივისცემით უნდა მოვეპყრათ  ჟურნალისტის უფლებებს, სიტყვისა და გამოხატვის თავისუფლებას. ხოლო როცა ეს პირიქით ხდება, შემაშფოთებელია და საზოგადოების განსჯის საგანი უნდა გახდეს“, - ეს განცხადება ახალგაზრდა იურისტთა ასოციაციის ოზურგეთის წარმომადგენლობამ გააკეთა.

საქართველოს ახალგაზრდა იურისტთა ასოციაციის ოზურგეთის ოფისი მოუწოდებს ყველა პირს და განსაკუთრებით ხელისუფლების წარმომადგენლებს, თავი შეიკაონ ჟურნალისტისა და მედიასაშუალებების უფლებების შეზღუდვისა და შეურაცხყოფისაგან.    

საქართველოს რეგიონული მედიის ასოციაცია პროტესტს გამოთქვამს ამ ფაქტების გამო და ჟურნალისტებზე, მედიასაშუალებებზე გახორციელებულ ნებისმიერი სახის ზემოქმედებას ფართო საზოგადოებას, სადამკვირვებლო მისიებს გააცნობს.

შორენა ღლონტი, გურია
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC