06:33, Monday, 12.04.2021
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რუსი სამხედროები ოკუპირებული მიწების დემარკაციაზე მუშაობენ

01.10.2010
გორის რაიონის სოფელ ქვემო ნიქოზთან, ე.წ. ნეიტრალურ ზონაში ოკუპანტებმა ადმინისტრაციულ საზღვარზე აზომვითი სამუაოები ჩაატარეს. ამის შესახებ ქვემო ნიქოზში მყოფ „ინტერპრესნიუსს“ კორესპონდენტს ადგილობრივმა მოსახლეობამ განუცხადა.

კონკრეტულად, ერთ-ერთი თვითმხილველის თქმით, ორი დღის წინ ოკუპირებული ტერიტორიიდან ქვემო ნიქოზის განაპირას მდებარე ბაღებში სამი შეიარაღებული, ფორმიანი და ორიც სამოქალაქო პირი გადმოვიდა. მათ ტერიტორიის აზომვა დაიწყეს, შემდეგ კი აზომილ ტერიტორიაზე ბოძებით მონიშნეს. ამის შემდეგ აღნიშნული პირები ისევ ოკუპირებულ ტერიტორიაზე დაბრუნდნენ. მათ ქმედებებზე ქართულ მხარეს რეაგირება არ მოუხდენია.

მოსახლეობის განცხადებით, ოკუპანტების მიერ აღნიშნული სამუშაოების ჩატარების შემდეგ უსაფრთხოების გარანტიის არარსებობის გამო ე.წ. ნეიტრალურ ტერიტორიაზე არსებულ სახნავ-სათესებში გადასვლას ვეღარ ბედავენ.

საქართველოს შსს-მ თავდაპირველად გაავრცელა ინფორმაცია, რომ რუსი მესაზღვრეები სადემარკაციო სამუშაოებს აწარმოებენ, რის შედეგადა საოკუპაციო ზოლის მეორე მხარე აღმოჩნდა სოფლების – ზემო და ქვემო ნიქოზის, დიცის, არბოსა და კორდის ტერიტორიების ნაწილი.

მოგვიანებით კი, შინაგან საქმეთა სამინისტრომ განახლებული ინფორმაცია გაავრცელა, რომლშიც სოფლების ჩამონათვალი ამოღებულია და აღნიშნულია, რომ საოკუპაციო ჯარების მიერ წარმოებული უკანონო საზღვრის სადემარკაციო სამუშაოები მნიშნელოვნად შეუშლის ხელს მიმდებარე ტერიტორიებისთვის, განსაკუთრებით კი სოფელ დიცისთვის, წყლის მიწოდებას.

რუსმა მესაზღვრეებმა ქართული მხარის ინფორმაცია კატეგორიულად უარყვეს. ცხინვალის რეჟიმმა კი განაცხადა, რომ ე.წ. საზღვრის დადგენის სამუშაოებს მართლაც აწარმოებს, თუმცა ქართული სოფლების სიღრმეში გადაადგილება არ მომხდარა.

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი

   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2021 HRIDC