15:11, Tuesday, 22.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პოლიტპატიმრების მხარდასაჭერი აქცია პარლამენტის წინ

03.11.2010

სალომე აჩბა

პოლიტპატიმართა სოლიდარობის საერთაშორისო დღესთან დაკავშირებით, 30 ოქტომბერს საქართველოს პარლამენტის წინ „ადამიანის უფლებათა ცენტრის“ ორგანიზებით, საპროტესტო აქცია გაიმართა. აქციაზე შეიკრიბნენ უფლებადამცველები, პოლიტპატიმრების ოჯახის წევრები და პოლიტიკოსები. აქციის მონაწილეთა მთავარი მოთხოვნა საქართველოს ციხეებში მყოფი პოლიტპატიმრების დაუყოვნებლივ გათავისუფლება იყო. მათ სოლიდარობა გამოუცხადეს პოლიტპატიმრებს და ისაუბრეს უმძიმეს ვითარებაზე, რაც საქართველოში ამ მიმართულებით არსებობს. 

„ვითარება დღითიდღე უარესდება. არსებულ პოლიტპატიმრებს კიდევ ახლები დაემატნენ. ჩვენ უკვე თამამად შეგვიძლია გავაკეთოთ ეს შეფასება, მაგალითად, „ეროვნული ფორუმის“ წევრის ზაზა ჩაკვეტაძისა და სოზარ სუბარის ძმის - ვახტანგ სუბელიანის მიმართ. როგორც ირკვევა, ფაქტობრივად არ არსებობს მათი დაპატიმრების არანაირი საფუძველი. ძალიან ცუდი ტენდენციაა და სამწუხაროდ, უკეთესობისკენაც არაფერი იცვლება“, - განაცხადა „ყოფილი პოლიტპატიმრები - ადამიანის უფლებებისთვის“ წარმომადგენელმა, გელა ნიკოლაიშვილმა.

აქციას ესწრებოდა „დემოკრატიული მოძრაობა - ერთიანი საქართველოს“ წარმომადგენელი, თემურ ლომსაძე, რომელსაც ადამიანის უფლებების სფეროში მუშაობის მრავალწლიანი გამოცდილება აქვს.  წლების განმავლობაში იგი სახალხო დამცველის მოადგილე, ერთხანს კი - მოვალეობის შემსრულებელიც იყო. ლომსაძის შეფასებით, ისეთი მძიმე ვითარება, რაც დღეს არის შექმნილი, საქართველოში არასოდეს ყოფილა: „დღეს უამრავი პოლიტპატიმარი გვყავს, რომლებსაც სხვადადხვა საერთაშორისო ორგანიზაციებმა მიანიჭეს პოლიტპატიმრის სტატუსი. მიუხედავად ამისა, მაინც უმძიმესი მდგომარეობაა ამ კუთხით და უკეთესობისკენ არაფერი იცვლება. მე ვფიქრობ,  პირველ რიგში, ჩვენ - უფლებადამცველებს გვევალება, მივმართოთ სერიოზულ ღონისძიებებს, რათა შეწყდეს პოლიტიკური ნიშნით დევნა ამ ქვეყანაში“.

აქციაზე იმყოფებოდა უფლებადამცველი ორგანიზაციების მიერ პოლიტპატიმრად აღიარებული სამხედრო ექსპერტის, ვახტანგ მაისაიას მეუღლე, ელენე მაღრაძეც. „ჩვენ, როგორც პოლიტპატიმრის ოჯახის წევრები, ვალდებულნი ვიყავით, მოვსულიყავით და სოლიდარობა გამოგვეცხადებინა სხვა პოლიტპატიმრებისთვის. სამწუხარო რეალობაა ის, რომ დღეს საქართველოში 50-ზე მეტი პოლიტპატიმარია. ისეთ ქვეყანასა და ხელისუფლებას კი, რომელსაც დემოკრატიულობაზე აქვს პრეტენზია, არ ეკადრება ამდენი პოლიტპატიმარი“, - განაცხადა მან. 

30 ოქტომბერს პოსტსაბჭოთა სივრცეში პოლიტპატიმართა სოლიდარობის დღე 1991 წლიდან აღინიშნება. ამ დღეს, მრავალ ქვეყანაში საპროტესტო აქციებითა და შკერებებით იხსენებენ და სოლიდარობას უცხადებენ იმ ადამიანებს, რომლებიც პოლიტიკური ნიშნით კომუნისტური მმართველობის პერიოდში იდევნებოდნენ. ბევრმა ქვეყანამ, ვინც ამ დღეს აღნიშნავს, პოლიტპატიმრების პრობლემა შორეულ საბჭოთა წარსულში დატოვა. საქართველოში კი ეს საკითხი ჯერ კიდევ აქტუალურია. საზოგადოების ნაწილი, ახლა უკვე დამოუკიდებელი საქართველოს პოლიტპატიმრების დაუყოვნებლად გათავისუფლების მოთხოვნით აღნიშნავს დღეს, რომელიც საბჭოთა ავტორიტარიზმის პირობებში დაარსდა.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC