აფხაზეთიდან დევნილი ნანა ფიფია დამწვრობის ცენტრში გარდაიცვალა
19 ნოემბერი, 2010
აფხაზეთიდან დევნილი ნანა ფიფია, რომელმაც თავის დაწვა სცადა, წუხელ დამწვრობის ცენტრში გარდაიცვალა. ამის შესახებ "ინტერპრესნიუსს" დამწვრობის ცენტრში განუცხადეს.
„ნანა ფიფია წუხელ გარდაიცვალა. გარდაცვალების მიზეზი გულსისხლძარღვთა და სასუნთქი გზების უკმარისობა გახდა. პაციენტი რეანიმაციულ განყოფილებაში მოთავსდა, ბოლო ორ დღეს კი, ხელოვნური სუნთქვის აპარატზე იყო მიერთებული“, - განაცხადეს დამწვრობის ცენტრში.
აფხაზეთიდან დევნილმა, ნანა ფიფიამ ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების სამინისტროს შენობის წინ თავის დაწვა 27 ოქტომბერს სცადა. მას სხეულის 30%-იანი დამწვრობა ჰქონდა. ნანა ფიფია საცხოვრებელი ფართით დაკმაყოფილებას ითხოვდა.
შენიშვნა: ვიდეომასალა გადაღებულია მობილიური ტელეფონით 27 ოქტომბერს, როდესაც ნანა ფიფიამ სამინისტროსთან თავის დაწვა სცადა. ვიდეომასალა „ინტერპრესნიუსს“ თვითმხილველმა მოაწოდა.
ვიდეომასალა: http://www.interpressnews.ge/ge/video.html?view=video&video=208
ალექსი ბეჟანიშვილი
ახალი ამბები
პოპულარული
სტატია
13 თებერვალი, 2024
სტატია
28 დეკემბერი, 2023
სტატია
13 დეკემბერი, 2023