06:33, Thursday, 28.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

იარაღის შესყიდვის თემა ვიკილიქსის „ქართული დოსიედან“

22.02.2011
საქართველოში აშშ-ის ყოფილი ელჩის, ჯონ ტეფტის საიდუმლო წერილი, რომელიც იარაღით ვაჭრობას ეხება, „ვიკილიქსის“ პარტნიორ გამოცემა „რუსსკი რეპორტიორში“ გამოქვეყნდა.

როგორც ტეფტის წერილშია აღნიშნული, იმის მიუხედავად, რომ ბომბდამშენებისა და სხვა სახის იარაღის შეძენა საქართველოსთვის ამჟამად გადაუდებელ საჭიროებას არ წარმოადგენს, მოთხოვნა აქტუალობას ინარჩუნებს.

შესყიდვების დარგში თავდაცვის მინისტრის მოადგილის ოთარ ბერძენიშვილის ინფორმაციაზე დაყრდნობით, ტეფტი წერს, რომ საქართველოს კონტრაქტი აქვს უკრაინულ კომპანია „ბელ ტრეიდინგთან“, რომელიც სეიშელის კუნძულებზეა დარეგისტრირებული.

„ბელ ტრეიდინგი“ თავისთან იტოვებს კონტრაქტის მთელ ღირებულებას, იმის მიუხედავად, განახორციელებს თუ არა იარაღის მიწოდებას. ბერძენიშვილის თქმით, კონტრაქტის ცვლილებების საფუძველი შეიძლება გახდეს არაკონდიცირებული პროდუქცია, მაგრამ ლიცენზიაზე უარი – არა. კომპანიას და საქართველოს თავდაცვის სამინისტროს საქმიანი ურთიერთობა 2006 წლიდან აკავშირებთ და თავდაცვის მინისტრმა აღნიშნულ კომპანიასთან ბევრი კონტრაქტი გააფორმა.

ბერძენიშვილი უკმაყოფილოა კომპანიის მუშაობით და აქტიურად ეძებს შესაძლებლობას, გაწყვიტოს მასთან ურთიერთობა იმ თანხის დაკარგვის გარეშე, რომელიც ქართულმა მხარემ უკვე გადაიხადა“, - ნათქვამია ტეფტის წერილში.

ელჩი აღნიშნავს, რომ ბერძენიშვილი შეშფოთებულია „ბელ ტრეიდინგთან“ კონტრაქტების გაფორმებით, რადგან კონტრაქტები არ სრულდება.

„მაგალითისთვის მან მიუთითა არასაკმარისი გამჭვირვალობა, ანგარიშვალდებულების არასაკმარისი მექანიზმები და დიდი საკომისიო თანხა, რომელსაც „ბელ ტრეიდინგი“ კონტრაქტის პირობების შესრულების სანაცვლოდ იღებს. ბერძენიშვილი ეჭვობს, რომ კომპანია კონტრაქტის პირობების შესრულებას განზრახ აჭიანურებს. ამიტომ, ბერძენიშვილი აღარ აპირებს „ბელ ტრეიდინგის“ მომსახურებით სარგებლობას, მაგრამ სურს, შეასრულოს მიმდინარე კონტრაქტები, რათა გადახდილი თანხა არ დაიკარგოს“, - წერს ტეფტი.

ამერიკული მხარის კითხვაზე, იცის თუ არა სხვა კომპანიების შესახებ, რომლებიც საქართველოსთან მსგავს გარიგებებში არიან ჩართული და "ბელ ტრეიდინგთან" ერთად აწვდიან თბილისს იარაღს, ტეფტი პასუხობს, რომ მსგავსი კომპანიების შესახებ არაფერი სმენია.

ჯონ ტეფტის ამ საიდუმლო მიმოწერას საიდუმლოების გრიფი 2019 წლის 18 აგვისტოს უნდა მოხსნოდა.

ინტეპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC