მოძრაობა „თავისუფალი საქართველოს“ ქუთაისის ორგანიზაციის ხელმძღვანელი გოგი წულაია სასამართლოს მიერ დაკისრებული ჯარიმის გადახდას არ აპირებს. ამის შესახებ წულაიამ დღეს გამართულ ბრიფინგზე საკუთარი პარტიის ოფისში განაცხადა.
წულაია გუშინ ქუთაისში დააკავეს, როცა იგი ნაგვის ურნებზე აკრავდა სტიკერებს – „მიშა წადი!“ ქუთაისის საქალაქო სასამართლომ მას 400-ლარიანი ადმინისტრაციული ჯარიმა შეუფარდა.
წულაიას განცხადებით, იგი არ აპირებს იმ სახელმწიფოს ფული გადაუხადოს, ვინც აღნიშნული ჯარიმებით ადამიანის უფლებათა დარღვევებს აფინანსებს.
ინტერპრესნიუსი