06:41, Thursday, 22.10.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პრეზიდენტის პირად ქონებას დაბა გუდაურში 500.0 კვ მიწის ნაკვეთი შეემატა

18.07.2011
საქართველოს პრეზიდენტმა მიხეილ სააკაშვილმა დაბა გუდაურში, 500.0 კვ მიწის ნაკვეთი შეიძინა . დაბა გუდაურში მიწის ნაკვეთი პრეზიდენტის ქონების ჩამონათვალში, 2011 წელს შევსებულ ქონებრივ დეკლარაციაში გაჩნდა, რომელშიც 2010 წელს მისი ქონებრივი და ფინანსური მდგომარეობაა ასახული.

რაც შეეხება პრეზიდენტის სხვა უძრავ ქონებას, პრეზიდენტის მეუღლე სანდრა რულოვსი, თბილისში, ბარნოვის ქ. #9, 154.0 კვ.მ ფართს და 164.0 კვ., ფართის მანსარდს ფლობს.

დეკლარაციის მიხედვით, პრეზიდენტმა გასამრჯელოდ 2010 წელს 56 640.0 ლარი მიიღო, 2009 წელს კი - 59 000.0 ლარი. მიუხედავად გასამრჯელოს შემცირებისა, 2009 წელთან შედარებით, 2010 წელს, გაიზარდა პრეზიდენტის საბანკო ანგარიშების ოდენობა.

კერძოდ, პრეზიდენტს დეკლარაციის შევსებისას 2010 წლისთვის "საქართველოს ბანკში" სახელფასო ანგარიშზე 62 993.68 ლარი ერიცხებოდა, მიმდინარე ანგარიშები "საქართველოს ბანკში" ჰქონდა და ერთ ანგარიშზე 52 019.15 დოლარი, ხოლო მეორეზე 1 573.88 ევრო ერიცხება.

სანდრა რულოვსს ერთი ანაბარი, 21 000.0 დოლარის ოდენობის, "თიბისი ბანკში" აქვს, ING BANK ტერნეუზენში კი 85 000.0 ევრო აქვს. ასევე, სანდრა რულოვსს "საქართველოს ბანკში" 2000.0 ლარის მიმიდნარე ანგარიში აქვს, პრეზიდენტ მიხეილ სააკაშვილს კი, საფრანგეთის ბანკ Societe General–ში, 30 000.0 ევრო ერიცხება.

რაც შეეხება 2009 წელს, ამ დროს პრეზიდენტის და მისი ოჯახის წევრების საბანკო ანგარიშები შედარებით ნაკლები იყო. კერძოდ, 2009 წელს მიხეილ სააკაშვილს „საქართველოს ბანკში“ სახელფასო ანგარიშზე 29 021.77 ლარი ჰქონდა, ასევე, „საქართველოს ბანკში“ მისი მიმდინარე ანგარიშები 34 479.04 დოლარი და 33.36 ევრო იყო. რაც შეეხება სანდრა რულოვსს, მას „თიბისი ბანკში“ 2009 წელს ანაბარზე 30 000.0 დოლარი ჰქონდა, ING BANK ტერნეუზენში კი 60 000.0 ევრო.

აღსანიშნავია ის გარემოება, რომ დეკლარაციის თანახმად, პრეზიდენტის ოჯახი არც 2009 და არც 2010 წელს არ ფლობდა ისეთ უძრავ ქონებას, რომლის ღირებულება 10 000 ლარს აღემატება.

რაც შეეხება დაბა გუდაურში მიწის ნაკვეთს, დეკლარაციის მიხედვით, შეუძლებელია იმის დადგენა, პრეზიდენტმა ეს ნაკვეთი იყიდა თუ აჩუქეს, რადგან გრაფა, რომელშიც უნდა მიეთითებინა ნებისმიერი შემოსავალი ან/და გასავალი, რომლის ოდენობა აღემატება 1500 ლარს, ცარიელია. ასევე, არაფერი წერია გრაფაში, რომელშიც მითითებული უნდა იყოს საჩუქარი, რომლის ღირებულება 500 ლარს აღემატება.

ინტერპრესნიუსი


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC