13:03, Monday, 18.01.2021
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ახალგორის მოსაზღვრე სოფელში ოსმა სამართალდამცავებმა სამი ახალგაზრდა დააპატიმრეს

26.08.2011
მცხეთა-მთიანეთის საინფორმაციო ცენტრის ინფორმაციით, გორის რაიონის სოფელ წითელუბნის მიმდებარე ტერიტორიაზე დე ფაქტო ოსმა სამართალდამცავებმა სამი ახალგაზრდა - ძმები 21 და 23 წლის შოთა და გიგა ბზარაშვილები და მათი ბიძა, 33 წლის ელიზბარ ბზარაშვილი დააკავეს. ცენტრის ცნობით, დაკავებულებს ბრალი საზღვრის უკანონოდ გადაკვეთაში ედებათ.

როგორც მცხეთა-მთიანეთის საინფორმაციო ცენტრს დაკავებული შოთა და გიგა ბზარაშვილების დედამ, მაია ბზარაშვილმა განუცხადა, ბიჭები მცხეთის რაიონის სოფელ ძალისიდან, სანადიროდ, ორშაბათს, 22 აგვისტოს, დილით გავიდნენ.

„თან ჰქონდათ წაღებული სამი თოფი. სამივე გაფორმებული იყო. ნადირობის ნებართვაც ჰქონდათ. წითელუბნისკენ მიდიოდნენ. დღის 12:00 საათისთვის ვეღარ დავუკავშირდით. საღამოს რომ არ დაბრუნდნენ, ძებნა დავიწყეთ. წითელუბნის საგუშაგოზე ქართველმა პოლიციელებმა გვითხრეს, რომ მანქანა ავლილი ნახეს. გვითხრეს - ახლა ღამეა, ვერაფერს გავაკეთებთ და ხვალ დილიდან მოვძებნითო. იმავე საღამოს გორის პოლიციას შევატყობინეთ. სამშაბათს შუადღეს დაგვიკავშირდნენ და გვითხრეს, რომ ბიჭები ოს პოლიციელებს ჰყავდათ დაკავებულები. ზუსტად რა მოხდა, როგორ დააკავეს, არ ვიცით. ამჟამად უკვე ცხინვალში გადაიყვანეს“, - აღნიშნა მაია ბზარაშვილმა.

როგორც მცხეთა-მთიანეთის საინფორმაციო ცენტრს საქართველოში ევროკავშირის სადამკვირვებლო მისიის ოფისში განუცხადეს, დაკავებული ახალგაზრდები ამჟამად ცხინვალის იზოლატორში არიან მოთავსებული.

 
მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2021 HRIDC