„მედიაპალიტრის“ ექვს ორგანიზაციაში ფინანსური აუდიტი კიდევ ერთი თვე გაგრძელდება. მაკონტროლებლებმა შემოწმების გაგრძელების შესახებ ბრძანებები რამდენიმე დღის წინ წარმოადგინეს და დასძინეს, რომ დამატებითი დრო დოკუმენტაციის ანალიზისთვის სჭირდებათ.
მათივე თქმით, შესაძლოა, „მედიაპალიტრაში“ მათი მოსვლა საჭირო აღარც გახდეს და ანალიზით, ძირითადად, შემოსავლების სამსახურში დაკავდებიან.
ვადების ერთხელ უკვე გახანგრძლივების შემდეგ, შემოწმება 29 აგვისტოს უნდა დასრულებულიყო. მაკონტროლებლებმა ერთი თვეა, დაასრულეს დოკუმენტაციის შემოწმება და აღარ დადიოდნენ შპს „ჯეპ“-სა და შპს „პოლიგრაფიულ მასალებში“, ხანგრძლივი ინტენსიური მუშაობის შემდეგ, ბოლო ერთი კვირის განმავლობაში არც „მედიაპალიტრის“ სხვა ორგანიზაციებში მისულან.
შემოსავლების სამსახურის პრევენციის დეპარტამენტის თანამშრომლები „მედიაპალიტრის“ ერთდროულად ექვს სხვადასხვა ორგანიზაციაში 7 ივნისს შევიდნენ. უწყების ხელმძღვანელობა აცხადებდა, რომ ეს გეგმური შემოწმება იყო, რომელსაც რისკების მართვის კომპიუტერული სისტემა შემთხვევითობის პრინციპით არჩევს.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
