20:00, Monday, 25.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კახეთის საინფორმაციო ცენტრის ჟურნალისტი ცემეს

15.09.2011
თურქული კომპანია „უმუთ ინშაათის“ წარმომადგენლებმა, რომლებიც სადაზღვევო კომპანია „ჯიპიაი ჰოლდინგის“ დაკვეთით გურჯაანის საავადმყოფოს აშენებენ, კახეთის საინფორმაციო ცენტრის ჟურნალისტი გელა მთივლიშვილი ცემეს და აქციის გადაღების უფლება არ მისცეს. ინციდენტის დროს ვიდეოკამერა დაზიანდა.

ჟურნალისტი მშენებარე საავადმყოფოს ტერიტორიაზე მიმდინარე აქციის გასაშუქებლად იყო მისული. ხელფასების გაცემის მოთხოვნით საავადმყოფოს მშენებლობაზე დასაქმებული 40-მდე მუშა გაიფიცა. როგორც მუშებმა კახეთის საინფორმაციო ცენტრს აცნობეს, 5 თვეა ხეფასი არ მიუღიათ.

ჟურნალისტის ცემის ფაქტზე სისხლის სამართლის საქმე აღიძრა. პროკურატურის ცნობით, გამოძიება სხეულის დაზიანების მუხლით დაიწყო.

როგორც პროკურატურაში განმარტეს, იმ შემთხვევაში, თუ ცემის შედეგად ჟურნალისტს სხეულის დაზიანება არ მიუღია, საქმე გადაკვალიფიცირდება იმ მუხლით, რაც გამოიკვეთება.

კახეთის საინფორმაციო ცენტრს მიაჩნია, რომ საქმე სსკ-ის 154-ე მუხლით უნდა აღძრულიყო, რაც ჟურნალისტისთვის პროფესიულ საქმიანობაში უკანონოდ ხელის შეშლას ითვალისწინებს. დანაშაულის ამსახველი ვიდეომასალა კახეთის საინფორმაციო ცენტრმა ინციდენტის დღესვე გაავრცელა.

ბოლო პერიოდში რეგიონში თავისუფალ ჟურნალისტებზე ზეწოლის ფაქტები გახშირდა. მათ შორის ის საჯარო მოხელეები, რომლებმაც ჟურნალისტებზე ზეწოლა განახორციელეს, პროფესიულ საქმიანობაში უკანონოდ ხელი შეუშალეს, დღემდე თანამდებობებზე მუშაობენ და მათ ხელმძღვანელებისგან საყვედურიც კი არ მიუღიათ. ამასთან, ზეწოლის არცერთი ფაქტი გამოძიებული არ არის.

კახეთის საინფორმაციო ცენტრის თანამშრომლები, ჟურნალისტთა უფლებების დარღვევის ფაქტებთან დაკავშირებით, უახლოეს დღეებში, კახეთის გუბერნატორის ადმინისტრაციასთან საპროტესტო აქციას გამართავენ.

კახეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC