17:51, Thursday, 21.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

უფლებადამცველები შალვა რამიშვილის ჟურნალისტური საქმიანობისთვის ხელის შეშლას აპროტესტებენ

28.09.2011
უფლებადამცავები შალვა რამიშვილის ჟურნალისტური საქმიანობის ხელის შეშლის ფაქტის გამოძიებას ითხოვენ.

როგორც უფლებადამცავების განცხადებაშია აღნიშნული, 25 სექტემბერს გადაცემის „აკრედიტაციის გარეშე“ გადაღებისას, ყვარელში, პრეზიდენტის რეზიდენციასთან, პოლიციამ ჟურნალისტი შალვა რამიშვილი დააკავა. დაკავებულს ჩამოერთვა აპარატურა და გადაღებული მასალა, რომელიც ჟურნალისტს გათავისუფლების შემდეგაც არ დაბრუნებია.

განცხადების მიხედვით, სამხარეო პოლიციის თანამშრომელთა ქმედება წარმოადგენს სისხლის სამართლის კოდექსით დასჯად დანაშაულს და კვალიფიცირდება, როგორც ჟურნალისტისთვის პროფესიულ საქმიანობაში ხელის შეშლა.

„პოლიციის თანაშრომლები, რომლებიც არ ასახელებდნენ საკუთარ ვინაობას და თანამდებობას, იქცეოდნენ უღირსად, აშკარად არღვევდნენ პოლიციის შესახებ კანონს, გამოხატავდნენ აშკარა უპატივცემულობასა და ცინიზმს, კანონზე მაღლა აყენებდნენ კონკრეტულ პოლიტიკურ დავალებას, რომელსაც ტელეფონით იღებდნენ. მომხდარს სიტყვის თავისუფლებაზე ზეწოლად და ჟურნალისტის საქმიანობისთვის ხელის შეშლად ვაფასებთ და ვითხოვთ, დაიწყოს ფაქტზე გამოძიება კონკრეტული პირების მიმართ, რომლებიც საჯაროდ გავრცელებულ კადრებში კარგად ჩანან და ასევე იმათ მიმართ, ვინც მონაწილეობდა ჟურნალისტ შალვა რამიშვილის მიმართ უკანონო ქმედებაში და ამოცნობილი იქნება ჟურნალისტის მიერ. ასევე, ვითხოვთ დაუბრუნდეს ჟურნალისტს გადაღებული, ჩამორთმეული მასალა“, - ნათქვამია განცხადებაში.

განცხადებას ხელს აწერენ: სამოქალაქო მოძრაობა „სოლიდარობა უკანონო პატიმრებს“, ასოციაცია „სამართალი და თავისუფლება“, ადამიანის უფლებათა ცენტრი, „ყოფილი პოლიტპატიმრები - ადამიანის უფლებებისათვის“, „კანონი ხალხისთვის“, პატიმართა დახმარების საქველმოქმედო ფონდი, სამოქალაქო და პოლიტიკური უფლებების დაცვის ასოციაცია, საზოგადოებრივი დამცველი, მოძრაობა „არა“.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC