22:05, Sunday, 27.09.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სკოლის დირექტორმა პედაგოგი გაათავისუფლა და მის ადგილზე თავისი ძმისშვილი დანიშნა

28.10.2011
სიღნაღის რაიონის სოფელ ხირსის საჯარო სკოლის დირექტორმა მაყვალა ღვედაშვილმა, სკოლიდან პედაგოგი გაათავისუფლა და მის ადგილზე თავისი ძმისშვილი მიიღო. ამის შესახებ კახეთის საინფორმაციო ცენტრს გათავისუფლებულმა პედაგოგმა ლალი გონაშვილმა აცნობა.

„სკოლაში ფიზიკისა და სახვითი ხელოვნების საათები მქონდა. დირექტორმა გათავისუფლების ბრძანება 1 სექტემბერს გადმომცა, ჩემს ადგილზე კი თავისი ძმისშვილი, დაწყებითი საფეხურის პედაგოგი მიიღო. გათავისუფლების ბრძანებაში მითითებული არ არის, რის საფუძველზე გამათავისუფლეს. დირექტორმა მხოლოდ სიტყვიერად მითხრა, რომ საგნის სპეციალისტი არ ხარო. მე ვითარებაში გასარკვევად რაიონის საგანმანათლებლო რესურს-ცენტრის ხელმძღვანელს თემურ ბალარჯიშვილს მივმართე, რომელმაც მითხრა, რომ  გათავისუფლების ბრძანებაში მიზეზი აღარ იწერება, თან დაწყებითი საფეხურის პედაგოგს უფრო ეკუთვნის სახვითი ხელოვნების საათები, ვიდრე თქვენო. მე თბილისის სახელმწიფო უნივერსიტეტი მაქვს დამთავრებული, დირექტორის ძმისშვილს კი კერძო სასწავლებელი“, - აღნიშნა გათავისუფლებულმა პედაგოგმა ლალი გონაშვილმა.

ძმისშვილის სკოლაში დასაქმება სკოლის დირექტორმა მაყვალა ღვედაშვილმაც დაადასტურა. „სახვითი ხელოვნების საათები ჩემს ძმისშვილს მართლაც მივეცი, რადგან დაწყებითი საფეხურის პედაგოგია და მას უფრო ეკუთვნოდა. ახლა სხვა დროა და ყველა საგანს სპეციალისტები ასწავლიან. ლალი გონაშვილი ქიმიის სპეციალისტია და ამიტომ გათავისუფლებას ექვემდებარებოდა. დირექტორი სკოლაში ვის დაასაქმებს ეგ ლალი გონაშვილის გადასაწყვეტი ნამდვილად არ არის, გადაწყვეტილებას მე ვიღებ“, - აღნიშნა მაყვალა ღვედაშვილმა.

კახეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC